ആലപ്പുഴ: ഐഎസ് ബന്ധമുണ്ടെന്നു സംശയിക്കുന്ന ആറ് പേരെ എന്‍ഐഎ പിടികൂടി. ആലപ്പുഴ, കോയമ്പത്തൂര്‍ എന്നിവിടങ്ങളില്‍നിന്നാണ് ഇവരെ പിടികൂടിയത്.
സംഭവവുമായി ബന്ധപ്പെട്ട് ആലപ്പുഴ സ്വദേശിയുടെ വീട്ടില്‍ വ്യാഴാഴ്ച എന്‍ഐഎ റെയ്ഡ് നടത്തിയിരുന്നു. ഇവിടെനിന്നു ഐഎസ് ബന്ധം തെളിയിക്കുന്ന ലഘുലേഖകളും മൊബൈല്‍ ഫോണുകളും ഡിവിഡികളും അന്വേഷണ സംഘം കണ്ടെത്തിയിരുന്നു.
കേരളത്തില്‍നിന്നും ഐഎസില്‍ ചേര്‍ന്ന കാസര്‍ഗോഡ് സ്വദേശി അബ്ദുല്‍ റഷീദുമായി ആലപ്പുഴ സ്വദേശി നിരന്തര സമ്പര്‍ക്കം നടത്തിയതായും തെളിവുകള്‍ ലഭിച്ചിരുന്നു.
നേരത്തെ മലയാളികള്‍ അടക്കം ഐഎസ് ബന്ധമുണ്ടെന്നു സംശയിക്കുന്നവരെ കോയമ്പത്തൂരില്‍നിന്നും പാനൂരില്‍നിന്നും എന്‍ഐഎ പിടികൂടിയിരുന്നു. ഇതേതുടര്‍ന്നു എന്‍ഐഎ നടത്തിയ അന്വേഷണത്തിലാണ് ആറ് പേരെ പിടികൂടിയത്.
