സ്കോഡ കുഷാഖ് ഇന്ത്യയിൽ അവതരിപ്പിച്ചു.10.49 ലക്ഷം രൂപയാണ് പ്രാരംഭ എക്സ്-ഷോറൂം വില. ‘രാജാവ്’ അല്ലെങ്കിൽ ‘ചക്രവർത്തി’ എന്നർഥമുള്ള സംസ്‌കൃത പദത്തിൽ നിന്നാണ് കുഷാഖ് എന്ന പേര് സ്വീകരിച്ചിരിക്കുന്നത്. മൂന്ന് വേരിയന്റുകളിലും രണ്ട് എഞ്ചിൻ ഓപ്ഷനുകളിലും എസ്‌യുവി ലഭ്യമാണ്.
കുഷാഖിനായുള്ള ബുക്കിംഗ് ആരംഭിച്ചു. ബുക്കിംഗ് ഓൺലൈനിലോ ഇന്ത്യയിലുടനീളമുള്ള ഡീലർഷിപ്പുകളിലോ ചെയ്യാനാകും. 1.0 ലിറ്റർ TSI വേരിയന്റുകളുടെ ഡെലിവറികൾ അടുത്ത മാസം ആദ്യം ആരംഭിക്കും, 1.5 ലിറ്റർ TSI വേരിയന്റുകളുടെ ഡെലിവറികൾ ഓഗസ്റ്റിൽ മാത്രമേ ആരംഭിക്കൂ.
