ദുല്‍ഖര്‍ സല്‍മാന്‍ നായകനായി വിത്യസ്ത കഥയുമായി പുറത്തിറങ്ങിയ ചിത്രമാണ് സോളോ.
സോളോയെ കൂവി തോല്‍പ്പിക്കുന്നവര്‍ക്ക് മറുപടിയുമായി ചലച്ചിത്ര താരം കസ്തൂരി രംഗത്ത്.
നാല് കഥകളാണ് ചിത്രത്തിൽ ഉൾപ്പെടുത്തിയിരുന്നത്. നാല് ഭാഗങ്ങളുള്ള ചലച്ചിത്ര സമുച്ചയത്തിന്റെ നാലാംഭാഗമായ ‘രുദ്രയുടെ ലോക’ത്തിന്റെ ഒടുക്കമാണ് റീ-എഡിറ്റ് ചെയ്തിരിക്കുന്നത്.
ആദ്യദിനം മുതല്‍ സമ്മിശ്ര പ്രതികരണം ലഭിക്കുന്ന ചിത്രത്തിന്റെ ചില ഭാഗങ്ങള്‍ ഭൂരിഭാഗം പ്രേക്ഷകരുമായി സംവദിക്കുന്നതില്‍ പരാജയപ്പെടുന്നതായി സമൂഹമാധ്യമങ്ങളിലടക്കം അഭിപ്രായം ഉയര്‍ന്നിരുന്നു.
സോളോയെ കൊല്ലരുതെന്ന് അഭ്യര്‍ത്ഥിച്ച് ദുല്‍ഖര്‍ സല്‍മാന്‍ രംഗത്ത് എത്തിയിരുന്നു.
ഇപ്പോൾ ദുല്‍ഖറിന്റെ വികാരാധീനമായ ഫേസ്ബുക്ക് പോസ്റ്റിന് പിന്തുണ നൽകിയിരിക്കുകയാണ് തെന്നിന്ത്യന്‍ താരം കുസ്തൂരി.
Keep walking ahead and inevitably, people will follow. @dulQuer #solo @nambiarbejoy pic.twitter.com/vaV7spedYf
— kasturi shankar (@KasthuriShankar) October 8, 2017
ദുല്‍ഖറിന്റെ വികാരാധീനമായ ഫേസ്ബുക്ക് പോസ്റ്റ് കാണുന്നത് വരെ സോളോ കാണണമെന്ന് കരുതിയിരുന്നില്ലെന്നും ചിത്രത്തിന് എല്ലാ പിന്തുണയും നല്‍കുന്നുവെന്നും കസ്തൂരി ട്വിറ്ററില്‍ കുറിച്ചു.
