സമൂഹ മാധ്യമങ്ങളിൽ തിളങ്ങി നിൽക്കുന്ന താരമാണ് സോനം കപൂർ. ഇൻസ്റ്റാഗ്രാമിലും ട്വിറ്ററിലും ഒക്കെ സ്ഥിരം സാന്നിധ്യമാണ് ബോളിവുഡ് താരമായ സോനം. എന്നാൽ കക്ഷി കഴിഞ്ഞ ദിവസം, ട്വിറ്ററിൽ നിന്ന് താൻ കുറച്ചു നാളത്തേക്ക് അകന്നു നില്ക്കാൻ തീരുമാനിച്ചു എന്ന് പറഞ്ഞു. അതിനുള്ള കാരണവും താരം വ്യക്തമാക്കി, “ട്വിറ്ററിൽ ആകെ നെഗറ്റിവിറ്റിയാണ്.” ശനിയാഴ്ച്ചയാണ് താരം ഈ കാര്യം ട്വിറ്ററിലൂടെ വെളിപ്പെടുത്തിയത്.
“ഞാൻ ട്വിറ്ററിൽ നിന്ന് കുറച്ചു നാളത്തേക്ക് മാറി നിൽക്കുകയാണ്. ഇതിൽ എല്ലാം നെഗറ്റീവ് ആണ്. എല്ലാവർക്കും എന്റെ സ്നേഹം നേരുന്നു,” സോനം ട്വിറ്റവറിൽ കുറിച്ചു.
I’m going off twitter for a while. It’s just too negative. Peace and love to all !
— Sonam K Ahuja (@sonamakapoor) October 6, 2018
സംഭവം ഇതൊക്കെയാണെങ്കിലും കാര്യം വേറെയാണ് എന്നാണ് പലരും പറയുന്നത്. മുംബൈയിലെ മലിനീകരണത്തെക്കുറിച്ചു പരാതിപ്പെട്ടതിന് തൊട്ടു പിന്നാലെ താരത്തെ ട്രോളികൊണ്ട് പല പോസ്റ്റുകളും പ്രത്യക്ഷപെട്ടിരുന്നു. ഇതാണ് സോനത്തിന്റെ ഈ തീരുമാനത്തിന് കാരണം എന്നും പറയപ്പെടുന്നു.
“എനിക്ക് ടൗണിലേക്ക് എത്താൻ രണ്ട് മണിക്കൂറുകൾ എടുത്തു. ഇനിയും എത്തേണ്ട സ്ഥലത്തു എത്തിയിട്ടില്ല. റോഡുകളുടെ അവസ്ഥയും ഏറെ മോശമാണ്,” എന്ന് ഏതാനും ദിവസങ്ങൾക്ക് മുമ്പ് താരം ട്വീറ്റ് ചെയ്തിരുന്നു. താങ്കളെ പോലെ ഉള്ള സെലിബ്രിറ്റികൽ വലിയ ആഡംബര കാറുകൾ ആശ്രയിക്കുന്നത് കൊണ്ടാണ് ഇത് സംഭവിക്കുന്നതെന്നും, മറിച്ചു പബ്ലിക് ട്രാൻസ്‌പോർട്ട് മാർഗങ്ങള് ഉപയോഗിച്ചാൽ ഈ പ്രശ്നങ്ങൾ ഒഴിവാക്കാമായിരുന്നു എന്ന് പലരും സോനം കപൂറിന് മറുപടി നൽകിയിരുന്നു. ഇതാണ് താരത്തെ ചൊടിപ്പിച്ചത്.
സോനം ഇത്തരത്തിൽ ട്വിറ്ററിൽ നിന്ന് വിട്ടു നിൽക്കുന്നത് ആരാധക ലക്ഷങ്ങളെ ആശങ്കയിലാഴ്ത്തിയിരിക്കുകയാണ്. ട്രെൻഡുകലേക്കുള്ള അപരനാമമാണ് സോനം എന്ന് തന്നെ വേണമെങ്കിൽ പറയാം. ഫാഷൻ ലോകം ഏറെ പ്രത്യാശയോടെ നോക്കി കാണുന്ന ഒരാളാണ് സോനം. സോനം ഏന്തായാലും ഇൻസ്റ്റാഗ്രാമിൽ നിന്നും ഒന്നും മാറി നിന്നിട്ടില്ലല്ലോ എന്ന ആശ്വാസത്തിലാണ്‌ പലരും.
