ജൊഹ്നാസ്ബര്‍ഗ്: ഇംഗ്ലണ്ടിനെതിരായ മൂന്നാം ക്രിക്കറ്റ് ടെസ്റ്റില്‍ ദക്ഷിണാഫ്രിക്കയ്ക്ക് അപൂര്‍വ ലോകറെക്കോര്‍ഡ്. മൂന്നാം ടെസ്റ്റിന്റെ ഒന്നാം ഇന്നിംഗ്‌സില്‍ 313 റണ്‍സിനാണ് ദക്ഷിണാഫ്രിക്ക പുറത്തായത്. ദക്ഷിണാഫ്രിക്കയുടെ എല്ലാ ബാറ്റ്‌സ്മാന്‍മാരും രണ്ടക്കം കടക്കുകയും ചെയ്തു. എന്നാല്‍ ഒറ്റ ബാറ്റ്‌സ്മാന്‍പോലും അര്‍ധസെഞ്ചുറി തികിച്ചതുമില്ല.
ടെസ്റ്റ് ചരിത്രത്തില്‍ ഇതാദ്യമായാണ് എല്ലാ ബാറ്റ്‌സ്മാന്‍മാരും രണ്ടക്കം കടന്നശേഷം ഒരു ടീമിലെ ആരും അര്‍ധസെഞ്ചുറി തികയ്ക്കാതിരിക്കുന്നത്. എന്നാല്‍ ഇത് പതിമൂന്നാം തവണയാണ് ടെസ്റ്റില്‍ ഒരു ടീമിലെ എല്ലാം ബാറ്റ്‌സ്മാന്‍മാരും രണ്ടക്കം കടക്കുന്നത്. 2012ല്‍ ഓസ്‌ട്രേലിയവെസ്റ്റിന്‍ഡീസ് ടെസ്റ്റിലാണ് വെസ്റ്റീന്‍ഡിസിന്റെ എല്ലാ ബാറ്റ്‌സ്മാന്‍മാരും രണ്ടക്കം കടന്നത്.എന്നാല്‍ അന്ന് ചന്ദര്‍പോള്‍ വിന്‍ഡീസിനായി സെഞ്ചുറി നേടിയിരുന്നു.
