ജൊഹാനസ്ബര്‍ഗ്: ദക്ഷിണാഫ്രിക്കയില്‍ ട്രെയിന്‍ ട്രക്കുമായി കൂട്ടിയിടിച്ചുണ്ടായ അപകടത്തില്‍ 12 പേര്‍ മരിച്ചു. 260 പേര്‍ക്കു പരിക്കേറ്റു. പരിക്കേറ്റവരില്‍ പലരുടെയും നില ഗുരുതരമാണ്.
ലോക്കോ പൈലറ്റിന്റെ പിഴവാണ് അപകടത്തിലേക്കു നയിച്ചതെന്നാണു സൂചന.
ജൊഹാനസ്ബര്‍ഗില്‍നിന്നു പോര്‍ട്ട് എലിസബത്തിലേക്കു പോയ ട്രെയിനാണ് ഹെന്നെര്‍മാനും ക്രൂണ്‍സ്റ്റാന്‍ഡിനും മധ്യേ അപകടത്തില്‍പ്പെട്ടത്. 429 യാത്രക്കാരായിരുന്നു ട്രെയിനിലുണ്ടായിരുന്നത്. കൂട്ടിയിടിയെ തുടര്‍ന്ന് ട്രെയിന്‍ കമ്പാര്‍ട്ട്‌മെന്റുകള്‍ വേര്‍പെട്ടു തീപിടിച്ചു. ഇതിന്റ ദൃശ്യങ്ങള്‍ പുറത്തുവന്നിട്ടുണ്ട്. അപകടത്തില്‍ സര്‍ക്കാര്‍ അന്വേഷണം പ്രഖ്യാപിച്ചു.
