കൊച്ചി: ദക്ഷിണ റെയില്‍വേ പ്രിന്‍സിപ്പല്‍ ചീഫ് ഓപ്പറേഷന്‍ മാനേജരായി നീനു ഇട്ടിയേരയെ നിയമിച്ചു. ദക്ഷിണ റെയില്‍വേ ചീഫ് ഓപ്പറേഷന്‍ മാനേജര്‍ തസ്തികയില്‍ എത്തുന്ന ആദ്യ വനിതയാണ് നീനു.
ചീഫ് കൊമേഴ്‌സ്യല്‍ മാനേജര്‍ (പാസഞ്ചര്‍ മാര്‍ക്കറ്റിങ്), ചീഫ് ഫ്രൈറ്റ് ട്രാന്‍സ്‌പോര്‍ട്ടേഷന്‍ മാനേജര്‍, ചീഫ് ട്രാഫിക് പ്ലാനിങ് മാനേജര്‍, മധുര ഡിവിഷനല്‍ റെയില്‍വേ മാനേജര്‍, തിരുവനന്തപുരം ആര്‍ആര്‍ബി ചെയര്‍മാന്‍ എന്നീ നിലകളില്‍ ജോലി ചെയ്തിട്ടുണ്ട്.
ഫുള്‍ബ്രൈറ്റ് സ്‌കോളര്‍ഷിപ്പ് ജേതാവും 2002ല്‍ ഹൂബര്‍ട്ട് ഹംഫ്രി ഫെലോഷിപ്പും നേടിയിട്ടുണ്ട്. 1988 ബാച്ച് ഇന്ത്യന്‍ റെയില്‍വേ ട്രാഫിക് സര്‍വീസ് (ഐആര്‍ടിഎസ്) ഉദ്യോഗസ്ഥയാണ്. മാവേലിക്കരയാണു സ്വദേശം.
