തിരുവനന്തപുരം : ക്രിസ്മസിന് സ്‌പെഷ്യല്‍ വന്ദേ ഭാരത്. ക്രിസ്തുമസിന് ചെന്നൈ മുതല്‍ കോഴിക്കോട് വരെ സ്‌പെഷ്യല്‍ വന്ദേ ഭാരത് സര്‍വീസ് നടത്തും. യാത്രക്കാരുടെ തിരക്ക് പരിഗണിച്ചാണ് റെയില്‍വേയുടെ തീരുമാനം. പുലര്‍ച്ചെ 4.30 ന് ചെന്നൈയില് നിന്ന് പുറപ്പെട്ട് ഉച്ചയ്ക്ക് 3.30 കോഴിക്കോട് എത്തുന്ന രീതിയിലാണ് വന്ദേ ഭാരതിന്റെ സമയക്രമം.
നിലിവില്‍ ശബരിമല തീര്‍ഥാടകര്‍ക്കായി ചെന്നൈയില് നിന്ന് കോട്ടയത്തേക്കും തിരിച്ചും സ്‌പെഷല്‍ വന്ദേഭാരത് സര്‍വീസ് നടത്തുന്നുണ്ട്. ശബരിമല സ്‌പെഷല്‍ ആയി പ്രഖ്യാപിച്ചതാണെങ്കിലും ക്രിസ്മസിനു ചെന്നൈയില്‍നിന്നുള്ള യാത്രക്കാര്‍ക്കു നാട്ടിലേക്ക് എത്താനുള്ള ട്രെയിനായും വന്ദേഭാരത് സ്‌പെഷല്‍ മാറി. സ്‌പെഷ്യല്‍ വന്ദേഭാരത് ടെയിന് പാലക്കാട്, ഷൊര്‍ണൂര്‍, തിരൂര്‍ എന്നിവിടങ്ങളിലും സ്റ്റോപ്പുകള്‍ ഉണ്ടായിരിക്കും.
