കാസർഗോഡ്: മഞ്ചേശ്വരത്ത് വൻ സ്പിരിറ്റ് വേട്ട. ഇന്ന് പുലർച്ചെ നടന്ന പരിശോധനയിൽ 1000 ലിറ്റർ സ്പിരിറ്റ് പിടികൂടി. സംഭവത്തിൽ പ്രതിയായ കുഞ്ചത്തൂർ സ്വദേശി രവി കിരണിനെ പോലീസ് കസ്റ്റഡിയിലെടുത്തു. കാറിൽ കടത്തുകയായിരുന്ന സ്പിരിറ്റ് ആണ് പിടികൂടിയത്.
ജില്ലാ പോലീസ് മേധാവിയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. രവി കിരണിനൊപ്പം ഉണ്ടായിരുന്ന മറ്റൊരു പ്രതി ഓടി രക്ഷപെട്ടു. ഇയാൾക്കായി തിരച്ചിൽ തുടരുകയാണ്.
