കൊളംബോ: ടെസ്റ്റ് ക്രിക്കറ്റ് മത്സരത്തിൽ ഇന്ത്യക്കെതിരെയുള്ള ശ്രീലങ്കൻ ടീമിനെ പ്രഖ്യാപിച്ചു.
ശ്രീലങ്കൻ മുന്‍ നായകന്‍ ആഞ്ചലോ മാത്യൂസ് പരിക്കില്‍ നിന്ന് മോചിതനായി ടീമില്‍ തിരിച്ചെത്തിയിട്ടുണ്ട്.
എന്നാൽ പരിക്ക് മാറിയെങ്കിലും, ആരോഗ്യം പരിഗണിച്ച് അസേല ഗുണരത്നയേ ഈ പരമ്പരയില്‍ പരിഗണിക്കുന്നില്ല എന്ന് സെലക്ടര്‍മാര്‍ അറിയിച്ചു.
കൗശല്‍ സില്‍വ, കുശല്‍ മെന്‍ഡിസ് എന്നിവരെ ടീമില്‍ നിന്ന് ഒഴിവാക്കിയിട്ടുണ്ട്.
കൊല്‍ക്കത്തയിലാണ് ആദ്യ ടെസ്റ്റ് മത്സരം അരങ്ങേറുക. രണ്ട് മൂന്ന് ടെസ്റ്റുകള്‍ നാഗ്പൂരിലും ഡല്‍ഹിയിലും നടക്കും.
ആഞ്ചലോ മാത്യൂസ്, ദിനേശ് ചന്ദിമല്‍, ധനന്‍ജയ ഡിസില്‍വ, സദീര സമരവിക്രമ, ലഹിരു തിരിമന്നേ, രംഗന ഹെരാത്ത്, സുരംഗ ലക്മല്‍, ദില്‍രുവന്‍ പെരേര, ലഹിരു ഗമാഗേ, ലക്ഷന്‍ സണ്ഡകന്‍, വിശ്വ ഫെര്‍ണാണ്ടോ, ദസുന്‍ ഷനക, നിരോഷന്‍ ഡിക്ക്വെല്ല, റോഷെന്‍ സില്‍വ , ദിമുത് കരുണാരത്നേ, എന്നിവരെയാണ് ടീമിൽ ഉൾപ്പെടുത്തിയിരിക്കുന്നത്.
