തേഞ്ഞിപ്പലം: സംസ്ഥാന സ്‌കൂള്‍ കായികമേളയുടെ മൂന്നാം ദിനത്തിന് ഒരു മീറ്റ് റെക്കോഡിന്റെ പിറവിയോടെ തുടക്കം.
ആദ്യ ഫൈനലായ സീനിയര്‍ ആണ്‍കുട്ടികളുടെ അഞ്ച് കിലോമീറ്റര്‍ നടത്തത്തില്‍ പാലക്കാട് പറളി സ്‌കൂളിലെ അനീഷാണ് പുതിയ റെക്കോഡിട്ടത്. 21.50:30 സെക്കന്‍ഡിലാണ് അനീഷ് നടന്നെത്തിയത്.
പറളി സ്‌കൂളിലെ തന്നെ എം. ഷിഹാബുദ്ദീന്‍ 2007ല്‍ കുറിച്ച 21:57.00 സെക്കന്‍ഡ് എന്ന റെക്കോഡാണ് അനീഷ് മെച്ചപ്പെടുത്തിയത്. പറളി സ്‌കൂളിലെ തന്നെ സി.ടി.നിതേഷിനാണ് വെള്ളി.
ശ്രീജയും വൈദേഹിയും സീനിയര്‍ പെണ്‍കുട്ടികളുടെ അഞ്ച് കിലോമീറ്റര്‍ സ്വര്‍ണവും വെള്ളിയും പാലക്കാട് മുണ്ടൂര്‍ സ്‌കൂള്‍ സ്വന്തമാക്കി. ശ്രീജ സ്വര്‍ണവും വൈദേഹി വെള്ളിയും നേടി.
