കൊല്ലം: സംസ്ഥാന വോളിബോള്‍ താരം ജെ.എസ് ശ്രീറാം (23) ബൈക്ക് അപകടത്തില്‍ മരിച്ചു. ശ്രീറാം സഞ്ചരിച്ച ബൈക്കും കെ.എസ്.ആര്‍.ടി.സി ബസ്സും കൂട്ടിയിടിച്ചാണ് അപകടമുണ്ടായത്. ചടയമംഗലം ജടായു ജംഗ്ഷനില്‍ വച്ചാണ് അപകടം നടന്നത്.
വെഞ്ഞാറമ്മൂട് നടന്ന വോളിബോള്‍ മത്സരം കഴിഞ്ഞ് വീട്ടിലേക്ക് മടങ്ങുന്നതിനിടെയാണ് ശ്രീറാമിന്റെ ബൈക്ക് അപകടത്തില്‍പ്പെട്ടത്. ഞായറാഴ്ച രാത്രി 11 മണിയോടെ ആയിരുന്നു അപകടം. ദേശീയ യൂത്ത് വോളിബോള്‍ ചാമ്പ്യന്‍ഷിപ്പില്‍ കേരളത്തിനായി കളിച്ചിട്ടുണ്ട്.
നിലമേല്‍ എന്‍.എസ്.എസ് കോളേജ് മൂന്നാം വര്‍ഷ ചരിത്ര വിദ്യാര്‍ഥിയായിരുന്നു. വെട്ടിക്കവല ഗുരുപുഷ്പം ജയറാമിന്റേയും ശ്രീലേഖയുടേയും മകനാണ് ശ്രീറാം. സഹോദരന്‍: ശിവറാം.
