മെല്‍ബണ്‍: അമ്പയറുടെ തീരുമാനത്തെ ചോദ്യം ചെയ്ത് സ്റ്റീവ് സ്മിത്ത്. ഓസ്ട്രേലിയ- ന്യൂസീലന്‍ഡ് രണ്ടാം ക്രിക്കറ്റ് ടെസ്റ്റിന്റെ ഒന്നാം ദിവസമാണ് സ്മിത്ത് ചോദ്യം ചെയ്തത്.
ഓസീസ് ഇന്നിങ്സിന്റെ 26-ാം ഓവറില്‍ നീല്‍ വാഗ്‌നറിന്റെ ഷോട്ട് ബോള്‍ സ്മിത്തിന്റെ നെഞ്ചില്‍ തട്ടി തെറിക്കുകയായിരുന്നു. പിന്നാലെ സ്മിത്ത് സിംഗിള്‍ ഓടി. എന്നാല്‍, ഷോട്ടിന് ശ്രമിച്ചില്ലെന്ന കാരണത്താല്‍ അമ്പയര്‍ നൈജല്‍ ലോങ് റണ്‍സ് അനുവദിച്ചില്ല.
തുടര്‍ന്ന് സ്മിത്ത് ഈ തീരുമാനം ചോദ്യം ചെയ്യുകയായിരുന്നു. ലഞ്ചിന് പിരിയുമ്പോഴും സ്മിത്ത് അമ്പയറോട് തര്‍ക്കിക്കുകയും പിന്നാലെ അമ്പയര്‍ക്കെതിരെ മുന്‍താരം ഷെയ്ന്‍ വോണ്‍ രംഗത്തെത്തുകയും ചെയ്തു. അമ്പയറുടെ തീരുമാനം തെറ്റായിരുന്നുവെന്നും ഷോട്ട് ബോളില്‍ ഷോട്ടിന് ശ്രമിച്ചില്ലെങ്കിലും റണ്‍സിനായി ഓടാം എന്നാണ് നിയമമെന്നും അദ്ദേഹം ചൂണ്ടിക്കാണിച്ചു.
When you can’t get enough of cricket @Lca490 I’ll see you for a game soon! #notsosecretsanta https://t.co/R9bAbw3RDc
— Steve Smith (@stevesmith49) December 25, 2019
