ഇന്നലെ കേരള ബ്ലാസ്റ്റേഴ്സിനെതിരെ 4-2-ന്റെ വിജയം നേടി എങ്കിലും കാര്യങ്ങൾ ഇനിയും മെച്ചപ്പെടാൻ ഉണ്ട് എന്ന് മോഹൻ ബഗാൻ പരിശീലകൻ അന്റോണിയോ ഹബാസ്‌. തങ്ങൾക്ക് നല്ല താരങ്ങൾ ഉണ്ട്. എന്നാലും ഇനിയും ഏറെ നന്നായി ഞങ്ങൾ കളിക്കണം. ഇന്നലത്തെ രണ്ടാം പകുതിയിൽ ഞാൻ തൃപ്തനല്ല. രണ്ടാം പകുതിയിൽ താരങ്ങൾ അലസതയോടെയാണ് കളിച്ചത് എന്ന ഹബാസ്‌ പറഞ്ഞു.
മൂന്ന് പോയിന്റിൽ താൻ സന്തോഷവാനാണ്, പക്ഷെ ഇത്തരം ഒരു ലീഗിൽ കുറച്ചു കൂടെ കൃത്യത പുലർത്തേണ്ടതുണ്ട്. നിരവധി അവസരങ്ങൾ ഞങ്ങൾക്ക് ലഭിച്ചു ഇതിലുമേറെ ഗോളുകൾ ടീമിന് നേടാമായിരുന്നു എന്നും ഹബാസ്‌ പറഞ്ഞു.
