മുംബൈ: ഓഹരി സൂചികകളില്‍ പുതുവർഷം നേട്ടത്തോടെ തുടക്കം. സെന്‍സെക്സ് 120 പോയന്റ് ഉയര്‍ന്ന് 47,872ലും നിഫ്റ്റി 35 പോയന്റ് നേട്ടത്തില്‍ 14,017ലുമാണ് വ്യാപാരം നടക്കുന്നത്. ബിഎസ്ഇയിലെ 903 കമ്പനികളുടെ ഓഹരികള്‍ നേട്ടത്തിലും 249 ഓഹരികള്‍ നഷ്ടത്തിലുമാണ്. 30 ഓഹരികള്‍ക്ക് മാറ്റമില്ല. ആഗോള വിപണികളിലെ നേട്ടമാണ് ആഭ്യന്തര സൂചികകളിലും പ്രതിഫലിച്ചത്.
മഹീന്ദ്ര ആന്‍ഡ് മഹീന്ദ്ര, ഒഎന്‍ജിസി, ടിസിഎസ്, എസ്ബിഐ, ഭാരതി എയര്‍ടെല്‍, എല്‍ആന്‍ഡ്ടി, അള്‍ട്രടെക് സിമെന്റ്, ഇന്‍ഡസിന്‍ഡ് ബാങ്ക്, ടെക്മഹീന്ദ്ര, ഇന്‍ഫോസിസ്, മാരുതി സുസുകി, ബജാജ് ഫിന്‍സര്‍വ്, ആക്സിസ് ബാങ്ക്, ഐടിസി തുടങ്ങിയ ഓഹരികൾ നേട്ടത്തിലും പവര്‍ഗ്രിഡ് കോര്‍പ്, നെസ് ലെ, ഏഷ്യന്‍ പെയിന്റ്സ്, ടൈറ്റാന്‍, സണ്‍ ഫാര്‍മ, എച്ഡിഎഫ്സി തുടങ്ങിയ ഓഹരികള്‍ നഷ്ടത്തിലുമാണ്. ബിഎസ്ഇ മിഡ്ക്യാപ്, സ്മോള്‍ ക്യാപ് സൂചികകള്‍ 0.5ശതമാനത്തോളം ഉയര്‍ന്നാണ് വ്യാപാരം നടക്കുന്നത്.
