കൊല്ലം: വിദ്യാര്‍ഥിയെ പാറക്കുളത്തില്‍ മരിച്ച നിലയില്‍ കണ്ടെത്തി. തൃക്കണ്ണമങ്കല്‍ എസ്.കെ.വി ഹയര്‍ സെക്കന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ഥി സുധീഷാണ് മരിച്ചത്.
കഴിഞ്ഞ ദിവസം രാത്രിയില്‍ കാണാതായ വിദ്യാര്‍ഥിക്കായി തിരച്ചില്‍ നടത്തിയെങ്കിലും സമീപത്തെ പാറക്കുളത്തില്‍ മരിച്ച നിലയില്‍ കണ്ടെത്തുകയായിരുന്നു.
ഫയര്‍ ഫോഴ്സിന്റെ സഹായത്തോടെയാണ് മൃതദേഹം പുറത്തെടുത്തത്. വിലങ്ങറ സ്വദേശികളായ സുരേഷ് കുമാറിന്റെയും മഞ്ജുവിന്റെയും മകനാണ് സുധീഷ്.
