‘ജല’ത്തിലെ ശക്തമായ സ്ത്രീ കഥാപാത്രത്തിനുശേഷം ‘സുഖമാണോ ദാവീദേ’യില്‍ അധ്യാപികയായി പ്രിയങ്ക നായര്‍ എത്തുന്നു.
ഭഗത് മാനുവല്‍ നായകനാവുന്ന ചിത്രം സംവിധാനം ചെയ്യുന്നത് നവാഗതരായ അനൂപ് ചന്ദ്രനും രാജ്മോഹനും ചേര്‍ന്നാണ്.
ബിജുക്കുട്ടന്‍, നിര്‍മ്മല്‍ പാലാഴി, സുധീര്‍ കരമന, ഷമ്മി തിലകന്‍, നോബി, മികച്ച ബാലതാരത്തിനുള്ള സംസ്ഥാന അവാര്‍ഡ് നേടിയ മാസ്റ്റര്‍ ചേതന്‍ലാല്‍, ആര്യ, അഞ്ജു അരവിന്ദ് തുടങ്ങി വലിയ താരനിര തന്നെ ചിത്രത്തിലണിനിരക്കുന്നുണ്ട്.
കൃഷ്ണ പൂജപ്പുര രചന നിര്‍വഹിക്കുന്ന ചിത്രം പാപ്പി ക്രിയേഷന്‍സിന്റെ ബാനറില്‍ കെ.ജെ. ടോമി കിരിയാന്തനാണ് നിര്‍മ്മിക്കുന്നത്.
സിനിമയുടെ ചിത്രീകരണം തൊടുപുഴയില്‍ പുരോഗമിക്കുകയാണ്.
