രണ്ടു കുട്ടികള്‍ തമ്മിലെ ഒളിച്ചുകളിയുടെ കഥ പറയുന്ന പുതിയ സസ്പെന്‍സ് ത്രില്ലര്‍ ചിത്രമാണ് സുല്ല്. ചിത്രത്തിന്റെ ട്രെയിലര്‍ പുറത്തെത്തി. ആകാംക്ഷയും ഭയവും ജനിപ്പിക്കുന്ന ദൃശ്യങ്ങളാണ് ട്രെയിലറിലുള്ളത്.
വിഷ്ണു ഭരദ്വാജ് ആണ് സംവിധാനം ചെയ്തിരിക്കുന്നത്. വിജയ് ബാബുവിന്റെ ഉടസ്ഥതയിലുള്ള ഫ്രൈഡേ ഫിലിം ഹൗസ് ആണ് നിര്‍മ്മാണം. സ്റ്റിജിന്‍ സ്റ്റാര്‍വ്യൂ ഛായാഗ്രഹണം നിര്‍വഹിച്ചിരിക്കുന്നു. വിനായക് ശശികുമാറിന്റെ വരികള്‍ക്ക് രാഹുല്‍ സുബ്രമണ്യന്‍, അഭിരാമി സുരേഷ് എന്നിവര്‍ ചേര്‍ന്ന് സംഗീതം പകര്‍ന്നിരിക്കുന്നു. അനുമോള്‍, വിജയ് ബാബു, വസുദേവ് സജീഷ് എന്നിവരാണ് പ്രധാന അഭിനേതാക്കള്‍.
