ഐ.ബി.എന്‍ ചാനലിന് നല്‍കിയ അഭിമുഖം വിവാദമായെങ്കിലും സണ്ണി ലിയോണിന് അത് ഗുണകരമായി.അഭിമുഖത്തില്‍ ആമിര്‍ ഖാനൊപ്പം അഭിനയിക്കാന്‍ കഴിയുമെന്ന് തോന്നുന്നുണ്ടോ എന്ന് ചോദിച്ചപ്പോള്‍ തന്റെ ഭൂതകാലം കാരണം ആമിറിനെ പോലെയൊരാള്‍ തന്നോടൊപ്പം അഭിനയിക്കുമെന്ന് കരുതുന്നില്ലെന്ന് സണ്ണി പറയുകയുണ്ടായി. എന്നാല്‍ ഈ അഭിമുഖം കാണാനിടയായ ആമിര്‍ സണ്ണിക്കൊപ്പം വര്‍ക്ക് ചെയ്യാന്‍ തനിക്ക് സന്തോഷമേയുള്ളുവെന്ന് പറഞ്ഞു. അധികം വൈകാതെ ഓഫറും വന്നു.
അഭിനയ് ഡിയോ സംവിധാനം ചെയ്യുന്ന പുതിയ ചിത്രത്തില്‍ ആമിര്‍ ഖാനോടൊപ്പം ഒരു റോള്‍. തീര്‍ത്തും വ്യത്യസ്തമായ സണ്ണി ലിയോണിനെയാണ് ഈ ചിത്രത്തില്‍ പ്രേക്ഷകര്‍ക്ക് കാണാന്‍ കഴിയുക.സെക്‌സി റോളല്ലെന്ന് ചുരുക്കം. ഒരു ഡാര്‍ക്ക് കോമഡിയായി അണിയിച്ചൊരുക്കുന്ന ഈ ചിത്രത്തില്‍ ഒരു അന്വേഷണ ഉദ്യോഗസ്ഥന്റെ വേഷമാണ് ആമിര്‍ ഖാന്.
