തിരുവനന്തപുരം : ശബരിമലയില്‍ എത്തുന്ന ഭക്തര്‍ക്ക് വിമാനത്താവളം ആവശ്യമില്ലെന്ന് സുരേഷ് ഗോപി എംപി.
കല്ലും മുള്ളും ചവിട്ടി മല കയറാനാണ് അയ്യപ്പന്‍മാര്‍ ശബരിമലയിലേക്ക് എത്തുന്നതെന്നും അയ്യപ്പന്‍മാര്‍ക്ക് ആകാശ പരവതാനി വിരിക്കേണ്ടെന്നും സുരേഷ് ഗോപി പറഞ്ഞു. പ്രവാസികള്‍ക്കായി പത്തനംതിട്ടയിലോ ഇടുക്കിയിലോ ആണ് വിമാനത്താവളം നിര്‍മ്മിക്കേണ്ടതെന്നും സുരേഷ് ഗോപി പറഞ്ഞു.
സര്‍ക്കാര്‍ ആവശ്യപ്പെട്ടാല്‍ ശബരിമലയോട് ചേര്‍ന്ന് വിമാനത്താവളത്തിനായി ഭൂമി കണ്ടെത്തി നല്‍കുമെന്ന് തിരുവതാംകൂര്‍ ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍ വ്യക്തമാക്കി.
