കാലിഫോര്‍ണിയ : ഹോളിവുഡ് സൂപ്പര്‍താരവും മുന്‍ കാലിഫോര്‍ണിയ ഗവര്‍ണറുമായ അര്‍ണോള്‍ഡ് ഷ്വാസ്‌നഗര്‍ അടിയന്തിര മേജര്‍ ഹൃദയ ശസ്ത്രക്രിയക്ക് വിധേയനായി. ഹൃദയത്തിന്റെ വാല്‍വ് മാറ്റിവയ്ക്കുന്ന ശസ്ത്രക്രിയക്കാണ് ഇപ്പോള്‍ താരം വിധേയനായത്.
ലോസ് ആഞ്ജല്‍സിലെ ആശുപത്രിയില്‍ വെച്ചായിരുന്നു ശസ്ത്രക്രിയ നടത്തിയതെന്ന് അമേരിക്കന്‍ മാധ്യമങ്ങള്‍ റിപ്പോര്‍ട്ട് ചെയ്തു. താരത്തിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര്‍ അറിയിച്ചു. 1997ല്‍ വാല്‍വ് മാറ്റിവെയ്ക്കല്‍ ശസ്ത്രക്രിയക്ക് വിധേയയായ അദ്ദേഹത്തിന് കഴിഞ്ഞ ദിവസം വീണ്ടും ശാരീരിക അസ്വസ്ഥതകള്‍ ഉണ്ടാവുകയായിരുന്നു.
