മുംബൈ: ബോളിവുഡ് താരം സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട് സംവിധായകന്‍ കരണ്‍ ജോഹറിന്റെ മൊഴി പോലീസ് രേഖപ്പെടുത്തും. ഇതുമായി ബന്ധപ്പെട്ട് മുംബൈ പോലീസ് കരണ്‍ ജോഹറിന് സമന്‍സ് അയച്ചു. കരണ്‍ ജോഹറിനെ ഈ ആഴ്ച തന്നെ ചോദ്യം ചെയ്തേക്കുമെന്നാണ് വിവരം.
അന്വേഷണത്തിന്റെ ഭാഗമായി സംവിധായകന്‍ മഹേഷ് ഭട്ടിന്റെ മൊഴിയും പോലീസ് രേഖപ്പെടുത്തിയരുന്നു. രണ്ടു പ്രാവശ്യം മാത്രമേ താന്‍ സുശാന്തിനെ കണ്ടിട്ടുള്ളുവെന്നാണ് മഹേഷ് ഭട്ട് പോലീസിനോടു പറഞ്ഞത്.
