ഏറെ പ്രേക്ഷക സ്വീകാര്യത നേടിയ വെബ് സീരീസാണ് ‘ആര്യ’. സുസ്മിത സെന്നിന്റെ വെബ് സീരീസ് ഡിസ്‌നി പ്ലസ് ഹോട്ട് സ്റ്റാറിലായിരുന്നു സ്ട്രീം ചെയ്തത്. സുസ്മിത സെന്നാണ് സീരിസിലെ കേന്ദ്ര കഥാപാത്രം. ഇപോഴിതാ ‘ആര്യ’ എന്ന സീരിസിന്റെ രണ്ടാം സീസണിന്റെ ട്രെയിലര്‍ പുറത്തുവിട്ടിരിക്കുകയാണ്.
‘പെനോസ’ എന്ന ഡച്ച് ഡ്രാമ സീരീസിന്റെ റീമേക്കാണ് ‘ആര്യ’. ‘ആര്യ’യുടെ രണ്ടാം ഭാഗത്തിലും കേന്ദ്ര കഥാപാത്രമായ സുസ്മിത സെന്‍ തന്നെയാണ് ട്രെയിലറില്‍ നിറഞ്ഞുനില്‍ക്കുന്നത്. ‘ആര്യ’ എന്ന സീരിസില്‍ ഏറെ അഭിനയ പ്രാധാന്യമുള്ള കഥാപാത്രമാണ് സുസ്മിത സെന്നിന്. രാം മധ്വാനി, സന്ദീപ്, മോദി, വിനോദ് റവാത് എന്നിവര്‍ ചേര്‍ന്നാണ് ‘ആര്യ’ സംവിധാനം ചെയ്യുന്നത്.
രാം മധ്വാനിയും അമിത മധ്വാനിയും എന്‍ഡെമോള്‍ ഷൈന്‍ ഇന്ത്യയുമായി ചേര്‍ന്നാണ് നിര്‍മാണം. രാം മധ്വാനി ഫിലിംസാണ് ബാനര്‍. ഹര്‍ഷ്വിര്‍ ഒബെറായാണ് വെബ് സീരീസിന്റെ ഛായാഗ്രാഹകന്‍. ഖുശ്ബൂ രാജ്, അഭിമന്യു ചൗധരി എന്നിവരാണ് ‘ആര്യ’യെന്ന സീരിസീന്റെ ചിത്രസംയോജനം നിര്‍വഹിച്ചത്.
സുസ്മിത സെന്നിന് പുറമേ സീരീസില്‍ ചന്ദ്രചുര്‍ സിംഗ്, ശികന്ദര്‍ ഖേര്‍, അങ്കുര്‍ ഭാട്യ, അലക്‌സ്, മനിഷ്, ചൗധരി, സുഗന്ധ, പ്രിയഷ ഭരദ്വാജ്, ജയന്ത് ക്രിപലാനി, വികാസ് കുമാര്‍ തുടങ്ങി ഒട്ടേറെ പേര്‍ അഭിനയിക്കുന്നു.
‘ആര്യ’ എന്ന വെബ് സീരീസ് ഒരു ക്രൈം ത്രില്ലര്‍ ഡ്രാമയാണ്. സുസ്മിത സെന്നിന്റെ വെബ് സീരീസിന്റെ സംഗീത സംവിധായകന്‍ വിശാല്‍ ഖുറാനെയാണ്. സുസ്മിത അഭിനയിച്ച വെബ് സീരീസ് മികച്ച ഡ്രാമ സീരീസ് എന്ന വിഭാഗത്തില്‍ എമ്മി അവാര്‍ഡിന് നാമനിര്‍ദ്ദേശം ചെയ്യപ്പെടുകയും ചെയ്തിരുന്നു.
