സുവീരന്‍ സംവിധാനം ചെയ്ത മഴയത്ത് സിനിമ ഈ മാസം 25 ന് റീലിസ് റിലീസ് ചെയ്യാന്‍ ഒരുങ്ങുന്നു. ദേശീയ അവാര്‍ഡ് നടിയ ബ്യാരിക്ക് ശേഷം സുവീരന്‍ സംവിധാനം ചെയ്യുന്ന ചിത്രമാണിത്. അപര്‍ണാ ഗോപിനാഥാണ് നായിക.
ബാലതാരം നന്ദനാ വര്‍മ മറ്റൊരു പ്രധാന കഥാപാത്രത്തെ അവതരിപ്പിക്കുന്ന ചിത്രത്തില്‍ മനോജ് കെ. ജയന്‍, ശാന്തികൃഷ്ണ, സുനില്‍ സുഗത, സന്തോഷ് കീഴാറ്റൂര്‍ തുടങ്ങിയവരും വേഷമിടുന്നു.
അച്ഛനും അമ്മയും 12 വയസ്സുള്ള മകളുമടങ്ങിയ മധ്യവര്‍ഗ കുടുംബത്തില്‍ അപ്രതീക്ഷിതമായുണ്ടാകുന്ന അനിഷ്ട സംഭവങ്ങളാണ് ഉദ്വേഗഭരിതമായി അവതരിപ്പിച്ചിട്ടുള്ളത്. സമകാലിക ഇന്ത്യയിലെ ഉള്ളുലയ്ക്കുന്ന സംഭവങ്ങളുമായി ചേര്‍ന്ന് നില്‍ക്കുന്നതാണ് ചിത്രത്തിന്റെ പ്രമേയം. ഗോപീ സുന്ദറാണ് സംഗീത സംവിധാനം നിര്‍വ്വഹിക്കുന്നത്.
ടി.സി. ബ്രിജേഷ്, എം.പി. ഫിറോസ്, നിതീഷ് മനോഹരന്‍, സജിത് കെ. പാറയില്‍, സരിത് കെ. പാറയില്‍ എന്നിവരുടെ നേതൃത്വത്തിലുള്ള സ്‌പെല്‍ബൗണ്ട് ഫിലിംസാണ് ചിത്രം നിര്‍മിച്ചത്. സ്‌പെല്‍ബൗണ്ടിന്റെ മൂന്നാമത്തെ ചിത്രമാണ് മഴയത്ത്.
