വിവേക് നായകനായി എത്തുന്ന ഏറ്റവും പുതിയ തമിഴ് ചിത്രമാണ് വെള്ളൈ പൂക്കള്‍. ചിത്രത്തിന്റെ തിയേറ്റര്‍ ലിസ്റ്റ് പുറത്തുവിട്ടു. ചിത്രം ഏപ്രില്‍ 19ന് പ്രദര്‍ശനത്തിനെത്തും.
വിവേക് എളങ്കോവന്‍ ആണ് ചിത്രം സംവിധാനം ചെയ്യുന്നത്. ചിത്രം നിര്‍മിക്കുന്നത് ഇന്‍ഡസ് ക്രിയേഷന്‍സ്, ട്രൈഡന്റ് ആര്‍ട്‌സ്, ടെന്റകോട്ട എന്നിവര്‍ ചേര്‍ന്നാണ്.
1987ല്‍ സിനിമയിലെത്തിയ വിവേകാനന്ദന്‍ എന്ന വിവേക് ഇതിനകം നിരവധി ചിത്രങ്ങളില്‍ അഭിനയിച്ചിട്ടുണ്ട്. കൂടുതലും ഹാസ്യ കഥാപാത്രങ്ങളാണ് വിവേക് അവതരിപ്പിച്ചിട്ടുള്ളത്. തമിഴില്‍ വടിവേലുവിന് ശേഷം ഏറ്റവും കൂടുതല്‍ സിനിമയില്‍ ഹാസ്യകഥാപാത്രമായി എത്തിയിട്ടുള്ളയാളാണ് വിവേക്.
വെള്ളൈ പൂക്കളില്‍ ഒരി റിട്ട.പോലീസ് ഉദ്യോഗസ്ഥനായി ഗൗരവമുള്ള റോളാണ് അദ്ദേഹം അവതരിപ്പിക്കുന്നതെന്നാണ് ട്രെയിലര്‍ തരുന്ന സൂചന. കൂടുതലും വിദേശത്താണ് സിനിമയുടെ ചിത്രീകരണം നടന്നത്. നിരവധി വിദേശതാരങ്ങളും ചിത്രത്തിലുണ്ട്.
