തമിഴ് റോക്കേഴ്സിനെ ഇന്റർനെറ്റിൽ നിന്നും നീക്കം ചെയ്തു. അമസോൺ ഇന്‍റർനാഷണലിന്‍റെ പരാതിയിലാണ് നടപടി. ആമസോണ്‍ പ്രൈം ഇന്ത്യ അടുത്തിടെ റിലീസ് ചെയ്ത ഹലാൽ ലൈവ് സ്റ്റോറി, നിശബ്ദം, പുത്തന്‍ പുതുകാലൈ എന്നിവയുടെ വ്യാജ പതിപ്പുകൾ തമിഴ് റോക്കേഴ്സ് ഇന്റർനെറ്റിൽ എത്തിച്ചിരുന്നു.
തമിഴ് റോക്കേഴ്സിനെ ഇന്റർനെറ്റിൽ നിന്നും സ്ഥിരമായി നീക്കിയിരിക്കുകയാണ്. തിങ്കളാഴ്ച വൈകുന്നേരം മുതലാണ് തമിഴ് റോക്കേഴ്സ് ഇന്റർനെറ്റിൽ നിന്നും അപ്രത്യക്ഷമായത്. ഇതോടെ തമിഴ് റോക്കേഴ്സ് എന്ന പേരിലോ ഇതുമായി സമാനതകളുള്ള പേരുകളിലോ ഇന്റർനെറ്റിൽ ഇനി സൈറ്റുകൾ രജിസ്റ്റർ ചെയ്യാൻ സാധിക്കില്ല. മുന്‍പ് പല തവണ ബ്ലോക്ക് ചെയ്തിട്ടും പേരില്‍ ചെറിയ മാറ്റം വരുത്തി സൈറ്റ് തിരിച്ചെത്തിയിരുന്നു.
