ഡോടോമ: ടാൻസാനിയ പ്രസിഡന്റ്ജോൺ മഗുഫലി (61) അന്തരിച്ചു. ഹൃദയസംബന്ധമായ അസുഖത്തെ തുടർന്ന് ബുധനാഴ്ച ഡാർ എസ് സലാമിലെ ആശുപത്രിയിൽ വച്ചാണ് മരണം സംഭവിച്ചത്. വൈസ് പ്രസിഡന്റ് സമിയ സുലുഹു ഹസൻ ആണ് മരണവിവരം അറിയിച്ചത്.
മഗുഫലിക്ക് കോവിഡ് -19 ബാധിച്ചതായി പ്രതിപക്ഷ രാഷ്ട്രീയക്കാർ ആരോപിച്ചെങ്കിലും സ്ഥിരീകരിച്ചിരുന്നില്ല. രാജ്യത്ത് രണ്ടാഴ്ചത്തെ ദുഃഖാചരണം ഉണ്ടാകുമെന്നും പതാകകൾ പകുതി താഴ്ത്തിക്കെട്ടുമെന്നും വൈസ് പ്രസിഡന്റ് പറഞ്ഞു.