ഇന്ത്യയിൽ ഉത്സവ കാലത്തിനാണ് തുടക്കമായിരിക്കുന്നത്. ഇതിന് മുന്നോടിയായി ഇന്ത്യയിലെ പല കാർ നിർമ്മാതാക്കളും 2021 ഒക്ടോബർ മാസത്തിൽ വലിയ ഡിസ്‌കൗണ്ടുകളും ആനുകൂല്യങ്ങളും പ്രഖ്യാപിച്ച് തുടങ്ങി. ഇപ്പോഴിതാ കിടിലന്‍ ഓഫറുകളുമായി രംഗത്ത് എത്തിയിരിക്കുകയാണ് ടാറ്റാ മോട്ടോഴ്സ് എന്ന് ഇന്ത്യാ ടുഡേ റിപ്പോര്‍ട്ട് ചെയ്യുന്നു.
ടാറ്റ ടിയാഗോ, ടാറ്റ ടിഗോർ, ടാറ്റ നെക്‌സോൺ, ടാറ്റ നെക്‌സൺ ഇവി, ടാറ്റ ഹാരിയർ എന്നിവയുൾപ്പെടെ വാഹനങ്ങൾക്ക് നവരാത്രി, ദീപാവലി തുടങ്ങിയ ആഘോഷങ്ങളുടെ ഭാഗമായി 30,000 രൂപ വരെയുള്ള ആനുകൂല്യങ്ങൾ ടാറ്റ മോട്ടോഴ്സ് വാഗ്ദാനം ചെയ്യുന്നുണ്ട്. 2021 ഒക്ടോബറിൽ ടാറ്റ ടിയാഗോയ്ക്ക് വലിയ ആനുകൂല്യങ്ങളും നൽകുന്നുണ്ട്. XT, XZ, XZ പ്ലസ് ട്രിമ്മുകളിലെ ടാറ്റ ടിയാഗോയ്ക്ക് 10,000 രൂപയുടെ അധിക കിഴിവ് 10,000 രൂപ എക്സ്ചേഞ്ച് ഓഫറുമായി വാഗ്ദാനം ചെയ്യുന്നു. ടാറ്റ ടിയാഗോ XE, XT (O) എന്നിവയ്ക്ക് അതേ 10,000 രൂപ ക്യാഷ് ഡിസ്കൗണ്ടും 10,000 രൂപ എക്സ്ചേഞ്ച് ഓഫറും കോവിഡ് വാര്യേഴ്സിന് 3,000 രൂപ കിഴിവുമുണ്ട്.
ടാറ്റ ഹാരിയർ എസ്‌യുവിക്ക് 15,000 രൂപയുടെ എക്സ്ചേഞ്ച് ബോണസ് ലഭിക്കും. ടാറ്റ നെക്‌സൺ ഇവി ഇപ്പോൾ XZ+ ട്രിമിന് 10,000 രൂപയും ലക്സ് പതിപ്പിന് 15,000 രൂപയും എക്സ്ചേഞ്ച് ബോണസായി ലഭ്യമാണ്. ഡീസൽ യൂണിറ്റുള്ള ടാറ്റ നെക്‌സോണിന് 15,000 രൂപയുടെ എക്സ്ചേഞ്ച് ബോണസും കോവിഡ് വാര്യേഴ്സിന് 5,000 രൂപ അധിക കിഴിവുമുണ്ട്. ടാറ്റ നെക്‌സോണിന്റെ പെട്രോൾ വേരിയന്റിന് 3,000 രൂപ കോർപ്പറേറ്റ് കിഴിവ് മാത്രമേ ലഭിക്കൂ.
ടാറ്റ നെക്‌സൺ ഇവി ഇപ്പോൾ XZ+ ട്രിമിന് 10,000 രൂപയും ലക്സ് പതിപ്പിന് 15,000 രൂപയും എക്സ്ചേഞ്ച് ബോണസായി ലഭിക്കും. ടാറ്റ ആൾട്രോസിനും പുതുതായി പുറത്തിറക്കിയ ടാറ്റ ടിഗോർ ഇവിക്കും 2021 ഒക്ടോബറിൽ കിഴിവുകൾ ഇല്ല, അതേസമയം വരാനിരിക്കുന്ന ടാറ്റ പഞ്ചിനുള്ള ബുക്കിംഗ് ഇപ്പോൾ ഇന്ത്യയിലുടനീളമുള്ള എല്ലാ ടാറ്റ ഡീലർഷിപ്പുകളിലും ലഭ്യമാണ്.
ടാറ്റ ടിഗോറിന് പെട്രോൾ എഞ്ചിനുകളിൽ 10,000 രൂപ ക്യാഷ് ഡിസ്കൗണ്ട് ലഭിക്കുന്നു, കോവിഡ് വാര്യേഴ്സിന് 15,000 രൂപയുടെ അധിക എക്സ്ചേഞ്ച് ബോണസും 3,000 രൂപ ആനുകൂല്യവും ലഭിക്കും. അതേ സമയം ടാറ്റാ സഫാരിക്ക് 2021 ഒക്ടോബർ മാസത്തിൽ ഡിസ്കൗണ്ടുകൾ ലഭിക്കില്ല എന്നാണ് റിപ്പോര്‍ട്ടുകള്‍.
