ശ്രീശാന്തും നിക്കി ഗില്‍റാണിയും പ്രധാന വേഷത്തിലെത്തുന്ന ‘ടീം ഫൈവ് ‘ ചിത്രത്തിലെ ആദ്യഗാനം പുറത്തിറങ്ങി.
‘നീല ശംഖു പുഷ്പമേ’ എന്ന തുടങ്ങുന്ന ഗാനം ആലപിച്ചിരിക്കുന്നത് ദിവ്യ എസ് മേനോന്‍ ആണ്. ഹരിനാരായണ്‍ ബി.കെ എഴുതിയ വരികള്‍ക്ക് ഗോപി സുന്ദര്‍ ഈണം നല്‍കിയിരിക്കുന്നു.
നവാഗതനായ സുരേഷ് ഗോവിന്ദ് തിരക്കഥയെഴുതി സംവിധാനം ചെയ്യുന്ന ഈ ചിത്രം അഞ്ച് ബൈക്ക് അഭ്യാസികളുടെ കഥ അതിസാഹസികമായി ദൃശ്യവത്കരിക്കുന്ന ഒരു ആക്ഷന്‍ ത്രില്ലറാണ്.
അഖില്‍ എന്ന കഥാപാത്രത്തെയാണ് ശ്രീശാന്ത് അവതരിപ്പിക്കുന്നത്.
ബാബു ആന്റണി, അഷ്‌കര്‍ അലി, രാജീവ് രംഗന്‍, ഷേര്‍ളി, മഞ്ജു സതീഷ് തുടങ്ങിയവര്‍ക്കൊപ്പം ബൈക്ക് അഭ്യാസികളായ പുതുമുഖങ്ങളും ഈ ചിത്രത്തില്‍ അഭിനയിക്കുന്നുണ്ട്.
സൈലബസ് ആന്‍ഡ് റെഡ് കാര്‍പ്പെറ്റിന്റെ ബാനറില്‍ രാജ് സക്കറിയാസ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം സജിത് പുരുഷന്‍ നിര്‍വഹിക്കുന്നു.
