തെലങ്കാന : രാജസ്ഥാനിലും തെലങ്കാനയിലും ഇന്ന് വോട്ടെടുപ്പ്. രാജസ്ഥാനില്‍ കോണ്‍ഗ്രസും ബിജെപിയും തമ്മിലുള്ള പോരാട്ടത്തില്‍ കോണ്‍ഗ്രസിനാണു മുന്‍തൂക്കം പ്രവചിക്കുന്നത്. തെലങ്കാനയില്‍ 119 മണ്ഡലങ്ങളിലേക്കാണ് വോട്ടെടുപ്പ് നടക്കുന്നത്.
രാവിലെ 8 മണിക്ക് വോട്ടടുപ്പ് തുടങ്ങും. രാജസ്ഥാനിലുള്ള 4.76 കോടി വോട്ടര്‍മാര്‍. 2,200 സ്ഥാനാര്‍ത്ഥികള്‍. 52000 പോളിംഗ് ബൂത്തുകളിലായി 2 ലക്ഷത്തിലധികം വോട്ടിംഗ് മെഷീനുകളും വിവിപാറ്റ് യന്ത്രങ്ങളും സജ്ജമാക്കി കഴിഞ്ഞു.
തെലങ്കാനയില്‍ ആകെയുള്ളത് 2.80 കോടി വോട്ടര്‍മാരാണ്. മത്സരരംഗത്ത് 1800ല്‍ പരം സ്ഥാനാര്‍ത്ഥികളും. ആകെയുള്ള 119 മണ്ഡലങ്ങളിലും ഭരണകക്ഷിയായ ടി.ആര്‍.എസ് തന്നെയാണ് പ്രരസ്യ പ്രചാരണത്തില്‍ ആധിപത്യം പുലര്‍ത്തിയത്.
