മെല്‍ബണ്‍: റോജര്‍ ഫെഡററും മരിയ ഷറപ്പോവയും ഓസ്‌ട്രേലിയന്‍ ഓപ്പണ്‍ രണ്ടാം റൗണ്ടില്‍. അതേസമയം ടോപ് സീഡുകളായ കരോളിന്‍ വോസ്‌നിയാക്കി, സൊളാന്‍ സ്റ്റീഫന്‍സ് എന്നിവര്‍ ഒന്നാം റൗണ്ടില്‍ പുറത്തായി.
ജോര്‍ജിയയുടെ നിക്കോളാസ് ബാസിലാഷ്‌വിലിയെ 6-2, 6-1, 6-2ന് കീഴടക്കിയാണ് ഫെഡറര്‍ രണ്ടാം റൗണ്ടിലെത്തിയത്. ജോ വില്‍ഫ്രഡ് സോം, നിക് കിര്‍ഗിയസ് എന്നിവരും പുരുഷ വിഭാഗത്തില്‍ രണ്ടാം റൗണ്ടിലെത്തിയിട്ടുണ്ട്.
വനിതാ വിഭാഗത്തില്‍ മരിയ ഷറപ്പോവ ജപ്പാന്റെ നാവോ ഹിബിനോയെ 6-1, 6-3ന് തോല്‍പ്പിച്ചു. എന്നാല്‍ മുന്‍ ലോക ഒന്നാം നമ്പര്‍ കരോളിന്‍ വോസ്‌നിയാക്കിയെ കസാഖിസ്ഥാന്റെ യുലിയ പുടിന്റ്‌സേവ 1-6, 7-6(7-3), 6-4ന് അട്ടിമറിച്ചു. സൊളാന്‍ സ്റ്റെഫാന്‍സിനെ ചൈനയുടെ വാംഗ് സിയാംഗ് 6-3, 6-3ന് കീഴടക്കി.
പുരുഷ സിംഗിള്‍സില്‍ ഇന്ത്യയുടെ യൂക്കി ഭാംബ്രിയെ ചെക്ക് റിപ്പബ്ലിക്കിന്റെ തോമസ് ബെര്‍ഡിച്ച് നേരിട്ടുള്ള സെറ്റുകള്‍ക്ക് തോല്‍പ്പിച്ചു. സ്‌കോര്‍: 7-5, 6-1, 6-2.
