പാരീസ്: അജ്ഞാതന്റെ കത്തി ഉപയോഗിച്ചുള്ള ആക്രമണത്തില്‍ രണ്ടു പേര്‍ കൊല്ലപ്പെട്ടു.
തെക്കു- കിഴക്കന്‍ ഫ്രാന്‍സിലാണ് സംഭവം. ആദ്യം പുകയില വില്‍പനക്കാരനെ ആക്രമിച്ച അജ്ഞാതന്‍ പിന്നീട് ഇറച്ചി വില്‍പ്പന ശാലയിലെത്തി അവിടെ ഉണ്ടായിരുന്നവരെയും ആക്രമിച്ചു.
ആക്രമണത്തില്‍ നിരവധിപ്പേര്‍ക്ക് പരിക്കേറ്റിട്ടുണ്ടെന്നാണ് റിപ്പോര്‍ട്ട്. ഇതുമായി ബന്ധപ്പെട്ട് ഒരാളെ അറസ്റ്റ് ചെയ്തിട്ടുണ്ടെന്നാണ് പുറത്ത് വരുന്ന വിവരങ്ങള്‍.സംഭവത്തില്‍ പൊലീസ് അന്വേഷണം ആരംഭിച്ചു.
