സലീംകുമാറിനെ നായകനാക്കി നവാഗതനായ ഹാഫിസ് മുഹമ്മദ് സംവിധാനം ചെയ്യുന്ന ചിത്രമാണ് താമര. ലൈം മീഡിയയുടെ ബാനറില്‍ പിബി മുഹമ്മദാണ് ചിത്രം നിര്‍മ്മിക്കുന്നത്. താമരയില്‍ പൊലീസ് ഓഫീസറുടെ വേഷത്തിലാണ് സലീംകുമാര്‍ എത്തുന്നതെന്നാണ് സൂചന.
രതീഷ് രവിയാണ് ചിത്രത്തിനു വേണ്ടി തിരക്കഥയെഴുതിയിരിക്കുന്നത്. ഷിജു എം ഭാസ്‌ക്കര്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന് വിഷ്ണു ഗോപാല്‍ എഡിറ്റിങ്ങ് ചെയ്യുന്നു. മനു രമേശനാണ് ചിത്രത്തിലെ പാട്ടുകള്‍ ഒരുക്കുന്നത്.
ഹാസ്യകഥാപാത്രങ്ങള്‍ മാത്രം ചെയ്യുന്ന സലീംകുമാര്‍ അഭിനയപ്രാധാന്യമുള്ള വേഷങ്ങളിലും തിളങ്ങിയിട്ടുണ്ട്. അച്ഛനുറങ്ങാത്ത വീട് എന്ന സിനിമയിലൂടെയായിരുന്നു സലീംകുമാര്‍ സീരിയസ് റോളുകളിലേക്ക് എത്തിയത്. പിന്നീട് ആദാമിന്റെ മകന്‍ അബു എന്ന ചിത്രത്തിലും സീരിയസ് വേഷം ചെയ്തു.
