ദിലീപിന്റെ നായികയായി മലയാള സിനിമയിലേക്ക് താന്‍ പ്രവേശിക്കുന്നുയെന്ന വാര്‍ത്തകള്‍ നിഷേധിച്ച് നടി തമന്ന ഭട്ടിയ. ട്വിറ്ററിലൂടെയാണ് തമന്നയുടെ പ്രതികരണം.
വാര്‍ത്തകള്‍ നല്‍കുന്നതിന് മുന്‍പ് വിവരങ്ങള്‍ ശരിയാണോ എന്ന് പരിശോധിക്കണമെന്നും തമന്ന ട്വീറ്റിലൂടെ ആവശ്യപ്പെട്ടു. താനൊരു ചിത്രം ഏറ്റെടുക്കുമ്പോള്‍ അക്കാര്യം ട്വിറ്ററിലൂടെ അറിയിക്കുമെന്നും താരം വ്യക്തമാക്കി.
This news has been doin the rounds , and it's absolutely false. Check your facts before putting up stuff https://t.co/Sqni0XDzIp
— Tamannaah Bhatia (@tamannaahspeaks) August 20, 2016
When I sign a new film , I will tweet abt it .
— Tamannaah Bhatia (@tamannaahspeaks) August 20, 2016
രതീഷ് അമ്പാട്ടിന്റെ കമ്മാരസംഭവത്തിലൂടെ തമന്ന മലയാളത്തില്‍ അരങ്ങേറ്റം കുറിക്കുമെന്നായിരുന്ന പ്രചരിച്ച വാര്‍ത്തകള്‍. ചിത്രത്തില്‍ അഭിനയിക്കാമെന്ന് തമന്ന വാക്കാല്‍ ഉറപ്പു നല്‍കിയെന്നും വൈകാതെ കരാറില്‍ ഒപ്പുവയ്ക്കുമെന്നുമായിരുന്നു വാര്‍ത്ത.
തമന്നയും രതീഷ് അമ്പാട്ടും നേരത്തെ ഒരുമിച്ച് വര്‍ക്ക് ചെയ്തിട്ടുള്ളതാണ്. കമ്മാരസംഭവത്തിന്റെ കഥ ചെറുതായി സൂചിപ്പിച്ചപ്പോള്‍ തമന്ന ചിത്രത്തില്‍ അഭിനയിക്കാന്‍ താല്‍പര്യം പ്രകടിപ്പിക്കുകയായിരുന്നെന്നും വാര്‍ത്തകളില്‍ പറഞ്ഞിരുന്നു.
നിലവില്‍ ബാഹുബലി, ദേവി(എല്‍) എന്നീ സിനിമകളുടെ ചിത്രീകരണ തിരക്കുകളിലാണ് തമന്ന. തമിഴിലും തെലുങ്കിലുമായി എഎല്‍ വിജയ് സംവിധാനം ചെയ്യുന്ന ദേവി (എല്‍)യില്‍ പ്രഭുദേവയാണ് നായകന്‍. തെലുങ്കില്‍ അഭിനേത്രി എന്നാണ് ചിത്രത്തിന്റെ പേര്.
വിശാലിനൊപ്പം അഭിനയിക്കുന്ന കത്തി സണ്ടൈയാണ് തമന്നയുടെ മറ്റൊരു ചിത്രം.
കമ്മാരസംഭവത്തില്‍ ദിലീപ് വ്യത്യസ്തമായൊരു കഥാപാത്രത്തെയാണ് അവതരിപ്പിക്കുന്നത്. 90 വയസുകാരനായിട്ടാണ് ദിലീപ് എത്തുന്നത്. മുരളിഗോപിയാണ് ചിത്രത്തിന്റെ തിരക്കഥ ഒരുക്കുന്നത്.
