ഐപിഎല്‍ 15-ാം പതിപ്പിന് ഇന്നുതുടക്കമാകും. ആദ്യ മത്സരത്തില്‍ ചാമ്പ്യന്‍മാരായ ചെന്നൈ സൂപ്പര്‍ കിംഗ്‌സ് കൊല്‍ക്കത്ത നൈറ്റ് റൈഡേഴ്‌സിനെ നേരിടും. മുംബൈ വാംഖഡെ സ്റ്റേഡിയത്തില്‍ രാത്രി 7.30നാണ് മത്സരം. ആകെ പത്ത് ടീമുകള്‍. നാല് വേദികളില്‍ 74 കളികള്‍. പ്ലേ ഓഫിന് മുമ്പ് ഓരോ ടീമിനും 14 മത്സരങ്ങള്‍.
25 ശതമാനം കാണികള്‍ക്ക് സ്റ്റേഡിയത്തില്‍ പ്രവേശനം. ലഖ്‌നൗ സൂപ്പര്‍ ജയ്ന്റ്‌സും ഗുജറാത്ത് ടൈറ്റന്‍സുമാണ് പുതിയ ടീമുകള്‍. അടുത്ത വര്‍ഷംമുതല്‍ ആറ് ടീമുകളെ ഉള്‍പ്പെടുത്തി വനിതാ ഐപിഎല്‍ തുടങ്ങാനൊരുങ്ങുകയാണ് ബിസിസിഐ
