ആരാധകര്‍ ഏറെ ആകാംക്ഷയോടെ കാത്തിരിക്കുന്ന മോഹന്‍ലാല്‍ ചിത്രമാണ് ഒടിയന്‍. ഒടിയന്‍ സ്റ്റ്യാച്യുവും, ഒടിയന്‍ ആപ്പും അങ്ങിനെ എല്ലാം ഏറെ ആവേശത്തോടെയാണ് ആരാധകര്‍ ഏറ്റെടുത്തിരിക്കുന്നത്. ഗള്‍ഫ് രാജ്യങ്ങളില്‍ ചിത്രത്തിന്റെ അഡ്വാന്‍സ് ബുക്കിംഗ് ആരംഭിച്ചു. ഗള്‍ഫ് രാജ്യങ്ങളില്‍ ആദ്യമായാണ് ഒരു മലയാള ചിത്രത്തിന്റെ അഡ്വാന്‍സ് ബുക്കിംഗ് ചിത്രം റിലീസ് ചെയ്യുന്നതിനും ആഴ്ചകള്‍ക്കു മുമ്പ് ആരംഭിക്കുന്നത്.
ബുക്കിംഗ് ആരംഭിച്ചു മണിക്കൂറുകള്‍ക്കകം റെക്കോഡ് അഡ്വാന്‍സ് ബുക്കിംഗാണ് നടന്നത്. യുഎഇയിലെ നോവ സിനിമാസ്, ബഹ്‌റൈന്‍, വി ഓ എക്‌സ് സിനിമാസ് എന്നിവിടങ്ങളിലാണ് അഡ്വാന്‍സ് ബുക്കിംഗ് ആരംഭിച്ചത്. ഇത് കൂടാതെ ഓസ്‌ട്രേലിയ, പോളണ്ട് എന്നിവിടങ്ങളിലും ഒടിയന്‍ അഡ്വാന്‍സ് ബുക്കിംഗ് ആരംഭിച്ചിട്ടുണ്ട്.
