മെഗാസ്റ്റാര്‍ മമ്മൂട്ടി നായകനാകുന്ന ‘പുള്ളിക്കാരന്‍ സ്റ്റാറാ’ സെപ്റ്റംബര്‍ ഒന്നിന് തിയേറ്ററുകളിലെത്താനിരിക്കെ ചിത്രത്തിലെ ഗാനത്തിന്റെ മേക്കിംഗ് വീഡിയോയ്ക്ക് യൂ ട്യൂബില്‍ മികച്ച പ്രതികരണം.
ശ്യാംധറാണ് ചിത്രം സംവിധാനം ചെയ്തിരിക്കുന്നത്. കിളിവാതിലിന്‍ ചാരെ നീ . . എന്ന ഗാനത്തിനാണ് മികച്ച പ്രതികരണം ലഭിച്ചിരിക്കുന്നത്.
ജയ ഗീതയുടെ വരികള്‍ക്ക് എം ജയചന്ദ്രനാണ് സംഗീതം ഒരുക്കിയിരിക്കുന്നത്.
അന്ന ആമിയാണ് ഗാനം ആലാപിച്ചിരിക്കുന്നത്. നവാഗതനായ രതീഷ് രവി തിരക്കഥ രചിച്ചിരിക്കുന്ന പുള്ളിക്കാരന്‍ സ്റ്റാറായിലെ നായികമാര്‍ ആശാ ശരത്തും ദീപ്തി സതിയുമാണ് .
