ന്യൂഡല്‍ഹി: ഡല്‍ഹിയില്‍ സ്‌കൂള്‍ ബസിനുള്ളില്‍ ആറുവയസുകാരിയെ പീഡിപ്പിക്കാന്‍ ശ്രമിച്ച ബസ് കണ്ടക്ടറെ പൊലീസ് അറസ്റ്റ് ചെയ്തു.
വസന്ത് വിഹാറിലെ പ്രമുഖ സ്‌കൂളിലായിരുന്നു സംഭവം. ഡല്‍ഹി സ്വദേശിയായ മുഹമ്മദ് അഹ്‌സാനാണ് അറസ്റ്റിലായത്. ഇയാള്‍ക്കെതിരെ പോക്‌സോ അടക്കമുള്ള വകുപ്പുകള്‍ ചുമത്തിയാണ് കേസ് രജിസ്റ്റര്‍ ചെയ്തിരിക്കുന്നത്.
മറ്റു കുട്ടികളുടെ സാന്നിധ്യത്തിലാണ് ബസ് ജീവനക്കാരന്‍ ആറു വയസുകാരിയെ അപമാനിച്ചതെന്നാണു പൊലീസ് വ്യക്തമാക്കുന്നത്.
ഇതു സംബന്ധിച്ച് മറ്റുകുട്ടികള്‍ അധ്യാപികയോട് പരാതി പറഞ്ഞതാടെയാണ് വിവരം പുറത്തറിയുന്നത്. സംഭവവുമായി ബന്ധപ്പെട്ട് സ്‌കൂള്‍ അധികൃതര്‍ ഇതു വരെ പ്രതികരണത്തിനു തയ്യാറായിട്ടില്ല.
