ഡല്ഹി: പശ്ചിമ ബംഗാളിലെ സിംഹ വിവാദവുമായി ബന്ധപ്പെട്ട ഹര്ജിയില് സിംഹങ്ങള്ക്ക് അക്ബര്, സീത എന്ന പേര് നല്കിയത് ശരിയായ നടപടിയല്ലെന്ന് കല്ക്കട്ട ഹൈക്കോടതി. പേര് മാറ്റി വിവാദം ഒഴിവാക്കാന് സര്ക്കാരിന് കോടതി ഉപദേശിച്ചു. അതേസമയം, വിഎച്ച്പി നല്കിയ റിട്ട് ഹര്ജി അനുവദിക്കാനാകില്ലെന്ന് കോടതി അറിയിച്ചു. റിട്ട് ഹര്ജിയായി ഈ ആവശ്യം നിലനില്ക്കില്ലെന്ന് അറിയിച്ച കോടതി, പൊതുതാല്പര്യ ഹര്ജിയായി മാറ്റാന് നിര്ദ്ദേശിച്ചു. പത്ത് ദിവസത്തിനുള്ളില് റെഗുലര് ബെഞ്ചിന് മുന്നില് സമര്പ്പിക്കാനാണ് കോടതി നിര്ദേശിച്ചിരിക്കുന്നത്.ബംഗാളില് അല്ലാതെ തന്നെ നിരവധി വിവാദങ്ങളുണ്ട്. ഇതിനിടെ ഈ വിവാദം ഒഴിവാക്കണമായിരുന്നുവെന്ന് കോടതി പറഞ്ഞു. മൃഗങ്ങള്ക്ക് ഇങ്ങനെ ദൈവങ്ങളുടെയും, നോബേല് സമ്മാന ജേതാക്കളുടെയും, സ്വാതന്ത്ര്യ സമര സേനാനികളുടെയും പേര് ഇടാമോ എന്ന് കോടതി ചോദിച്ചു. വീട്ടിലെ വളര്ത്തുനായക്ക് ഏതെങ്കിലും ദൈവങ്ങളുടെ പേര് ഇടുമോ എന്നും സര്ക്കാര് അഭിഭാഷകനോട് കോടതി ചോദിച്ചു. സര്ക്കാര് അഭിഭാഷകന്റെ വളര്ത്തുമൃഗങ്ങളുടെ പേര് എന്തൊക്കെയെന്ന് കോടതി ആരാഞ്ഞു. സിംഹത്തിന് സ്വാമി വിവേകാനന്ദന് എന്നോ രാമകൃഷ്ണന് എന്നോ പേരിടുമോ എന്നും കോടതി ചോദിച്ചു.
അടുത്തിടെയാണ് ത്രിപുരയിലെ സെപാഹിജാല പാര്ക്കില് നിന്നാണ് സിംഹങ്ങളെ ഇവിടേക്ക് എത്തിച്ചത്. പാര്ക്കിലെ മൃഗങ്ങളുടെ പേരുകള് മാറ്റാറില്ലെന്നാണ് സഫാരി പാര്ക്ക് അധികൃതര് പറയുന്നത്. സംസ്ഥാന വനംവകുപ്പിനേയും ബംഗാള് സഫാരി പാര്ക്കിനേയും എതിര് കക്ഷികളാക്കിയാണ് വിശ്വ ഹിന്ദു പരിഷത്തിന്റെ ഹര്ജി. പാര്ക്കിലെത്തുന്നതിന് മുന്പ് തന്നെ സിംഹങ്ങള്ക്ക് പേരുണ്ടെന്നാണ് ബംഗാള് വനംവകുപ്പ് വിശദീകരിക്കുന്നത്.ആരാധനമൂര്ത്തികളുടെ പേര് മൃഗങ്ങള്ക്ക് നല്കരുതെന്നും പേര് മാറ്റാന് ബംഗാള് സര്ക്കാര് തയ്യാറാകണമെന്നുമായിരുന്നു വിഎച്ച്പിയുടെ ഹര്ജിയിലെ വാദം. വിശ്വാസികളുടെ വികാരത്തെ വ്രണപ്പെടുത്തുന്നതിനാലാണ് കോടതിയില് എത്തിയതെന്നും കോടതിയില് നിന്ന് അനൂകൂല തീരുമാനമുണ്ടാകുമെന്ന് പ്രതീക്ഷിക്കുന്നതായും അഭിഭാഷകന് ശുഭാങ്കര് ദത്ത നേരത്തെ പ്രതികരിച്ചിരുന്നു. ഫെബ്രുവരി 16നാണ് കൊല്ക്കത്ത ഹൈക്കോടതിയുടെ ജല്പൈഗുരി ബെഞ്ചിന് മുന്നില് വിഎച്ച്പി വിചിത്ര ഹര്ജി എത്തിയത്. അക്ബര് സിംഹത്തെ സീത സിംഹത്തോടൊപ്പം പാര്പ്പിക്കരുതെന്നായിരുന്നു ഹര്ജി. വിശ്വ ഹിന്ദു പരിഷത്തിന്റെ ബംഗാള് ഘടകമാണ് ഹര്ജി നല്കിയത്.
സിംഹത്തിന് അക്ബര് എന്ന പേരിട്ടതും ശരിയല്ലെന്ന് കോടതി കുറ്റപ്പെടുത്തി. വേറെ എത്ര പേരുകള് ഉണ്ടായിരുന്നുവെന്നും കോടതി കൂട്ടിച്ചേര്ത്തു. അതേസമയം, സീത, അക്ബര് എന്ന് പേര് നല്കിയത് ത്രിപുര സര്ക്കാരാണെന്ന് ബംഗാള് സര്ക്കാര് ഹൈക്കോടതിയെ അറിയിച്ചു. ഇതിന്റെ രേഖകള് കോടതിയില് ഹാജരാക്കി. മൃഗങ്ങളുടെ കൈമാറ്റ പദ്ധതി പ്രകാരമാണ് ബംഗാളിലേക്ക് എത്തിച്ചതെന്നും സര്ക്കാര് ഹൈക്കോടതിയില് പറഞ്ഞു. ത്രിപുര പേര് നല്കിയപ്പോള് അതില് മിണ്ടാത്ത വിഎച്ച്പിയാണ് ഇപ്പോള് ഹര്ജിയുമായി വന്നിരിക്കുന്നതെന്നും സര്ക്കാര് കോടതിയില് പറഞ്ഞു.ബംഗാളില് അല്ലാതെ തന്നെ നിരവധി വിവാദങ്ങളുണ്ട്. ഇതിനിടെ ഈ വിവാദം ഒഴിവാക്കണമായിരുന്നുവെന്ന് കോടതി പറഞ്ഞു. മൃഗങ്ങള്ക്ക് ഇങ്ങനെ ദൈവങ്ങളുടെയും, നോബേല് സമ്മാന ജേതാക്കളുടെയും, സ്വാതന്ത്ര്യ സമര സേനാനികളുടെയും പേര് ഇടാമോ എന്ന് കോടതി ചോദിച്ചു. വീട്ടിലെ വളര്ത്തുനായക്ക് ഏതെങ്കിലും ദൈവങ്ങളുടെ പേര് ഇടുമോ എന്നും സര്ക്കാര് അഭിഭാഷകനോട് കോടതി ചോദിച്ചു. സര്ക്കാര് അഭിഭാഷകന്റെ വളര്ത്തുമൃഗങ്ങളുടെ പേര് എന്തൊക്കെയെന്ന് കോടതി ആരാഞ്ഞു. സിംഹത്തിന് സ്വാമി വിവേകാനന്ദന് എന്നോ രാമകൃഷ്ണന് എന്നോ പേരിടുമോ എന്നും കോടതി ചോദിച്ചു.