തിരുവനന്തപുരം: രണ്ട് ദിവസത്തെ സിപിഎം പോളിറ്റ് ബ്യൂറോ യോഗത്തിന് ഇന്ന് തുടക്കമാകും. പാര്‍ട്ടി കോണ്‍ഗ്രസില്‍ അവതരിപ്പിക്കേണ്ട രാഷ്ട്രീയ പ്രമേയമാണ് യോഗത്തിലെ പ്രധാന അജണ്ട. നേരത്തെ നടന്ന കേന്ദ്ര കമ്മറ്റി യോഗത്തില്‍ രാഷ്ട്രീയ പ്രമേയത്തിന്റെ രൂപരേഖ അംഗീകരിച്ചിരുന്നു.
അതേസമയം, രാഷ്ട്രീയ പ്രമേയത്തിന് പുറമെ രാജ്യത്തെ പൊതു രാഷ്ട്രീയ സാഹചര്യം, അവശ്യ വസ്തുക്കളുടെ വിലക്കയറ്റം, ഉള്‍പ്പെടെയുള്ളവയും യോഗത്തില്‍ ചര്‍ച്ചയാകും. കര്‍ഷക സമരം വിജയിച്ച പശ്ചാത്തലവും ലഖിംപൂര്‍ കര്‍ഷക കൊലപാതകവും പോളിറ്റ് ബ്യൂറോ യോഗത്തില്‍ ചര്‍ച്ചക്ക് വരും.
