ജയരാജ് സംവിധാനം ചെയ്യുന്ന പുതിയ ചിത്രം’വീരം’ പ്രഥമ ബ്രിക്‌സ് ഫിലിം ഫെസ്റ്റിവലില്‍ ഉദ്ഘാടനചിത്രമായി പ്രദര്‍ശിപ്പിക്കുന്നു.
ന്യൂഡല്‍ഹിയിലെ സിരി ഫോര്‍ട്ടില്‍ വെച്ച് സെപ്തംബര്‍ 2 മുതല്‍ 6 വരെയാണ് ബ്രിക്‌സ് ഫിലിം ഫെസ്റ്റിവല്‍ നടക്കുന്നത്.
നവരസങ്ങളെ ആസ്പദമാക്കി ജയരാജ് ഒരുക്കുന്ന ചലച്ചിത്ര പരമ്പരയിലെ അഞ്ചാമത്തെ ചിത്രമാണ് വീരം. വില്യം ഷേക്‌സ്പിയറിന്റെ പ്രശസ്ത നാടകം ‘മക്ബത്തി’നെ അടിസ്ഥാനമാക്കിയാണ് വീരം ഒരുങ്ങുന്നത്.
കുനാല്‍ കപൂറാണ് ചിത്രത്തിലെ മുഖ്യ കഥാപാത്രമായ ചന്തുവിനെ അവതരിപ്പിക്കുന്നത്. ഹിന്ദി, ഇംഗ്ലീഷ്, മലയാളം എന്നീ ഭാഷകളില്‍ തയ്യാറാക്കുന്ന വീരം ഈ വര്‍ഷം ഒക്ടോബറില്‍ തീയറ്ററുകളിലെത്തും.
13-ാം നൂറ്റാണ്ടിലെ വീരേതിഹാസ കഥാപാത്രമായ ചന്തുവിന്റെ ജീവിതമാണ് ചിത്രത്തിന്റെ പ്രമേയം.മുഖ്യ കഥാപാത്രത്തിന്റെ ആര്‍ത്തി,അതിമോഹം,ദ്രോഹം,വഞ്ചന ഇതിനെ ചുറ്റി പറ്റിയാണ് ചിത്രം കഥപറയുന്നത്.
