ഇ ഡി സമന്‍സിനെതിരെ മുന്‍ ധനമന്ത്രി തോമസ് ഐസക്കും കിഫ്ബി അധികൃതരും സമര്‍പ്പിച്ച ഹര്‍ജികള്‍ ഹൈക്കോടതി ഇന്ന് പരിഗണിക്കും. മസാല ബോണ്ടിനെതിരായ അന്വേഷണത്തിന്റെ ഭാഗമായി തോമസ് ഐസക്കിനോട് ഹാജരാകാന്‍ നിര്‍ദ്ദേശിക്കണമെന്ന് ഇ ഡി ഹൈക്കോടതിയില്‍ ആവശ്യപ്പെട്ടിരുന്നു.
ഹാജരായാല്‍ അറസ്റ്റ് ചെയ്യില്ലെന്നും ഇ ഡി അറിയിച്ചിരുന്നു. എന്നാല്‍ ഹാജരാകില്ലെന്ന് തോമസ് ഐസക്കും വ്യക്തമാക്കിയിരുന്നു. അതേസമയം കിഫ്ബി സി ഇ ഒ യും ഹാജരാകില്ലന്ന് കിഫ്ബി അഭിഭാഷകനും കോടതിയെ അറിയിച്ചു.
പകരം കിഫ്ബി ഡി ജി എം ഇ ഡി മുമ്പാകെ ഹാജരാക്കുമെന്നും കോടതിയെ അറിയിച്ചിരുന്നു. ഹാജരായാല്‍ അറസ്റ്റ് പാടില്ലെന്ന് കോടതി നിര്‍ദ്ദേശിക്കുകയും ചെയ്തിരുന്നു.
