ജനുവരിയില്‍ തുറക്കുന്ന പുതിയ ട്രാന്‍സ്ഫര്‍ വിന്‍ഡോയില്‍ റയല്‍ മഡ്രിഡ് ടീമിലേക്ക് ഒരു പുതിയ താരം കൂടി എത്തിയേക്കും.
പോളീഷ് താരം റോബോര്‍ട്ട് ലെവന്‍ഡോസ്‌കിയാണ് റയലിലേക്ക് എത്താന്‍ ഒരുങ്ങുന്നതായുള്ള റിപ്പോര്‍ട്ടുകള്‍ വരുന്നത്‌.
സ്പാനിഷ് ദിനപത്രമായ മഡ്രിഡ് ഡെയ്‌ലി ആണ് ഇക്കാര്യങ്ങള്‍ ശരിവച്ചുകൊണ്ട് റിപ്പോര്‍ട്ടുകള്‍ പുറത്ത് വിട്ടിരിക്കുന്നത്.
ലെവന്‍ഡോസ്‌കിയുടെ നിലവിലെ ക്ലബ്ബായ ബയേണ്‍ മ്യൂണിച്ച് താരത്തിന് 125 മില്യണ്‍ യൂറോ മുതല്‍ 136 മില്യണ്‍ യൂറോ വരെയാണ് വിലയിട്ടിരിക്കുന്നത്.
ആല്‍വാരോ മൊറാട്ടയെ വിറ്റതും സൂപ്പര്‍ താരങ്ങളായ കരീം ബെന്‍സേമ, ഗാരത് ബെയ്ല്‍ എന്നിവരുടെ തുടര്‍ച്ചയായ പരിക്കുകളുമാണ് റയലിന്റെ പരിശീലകന്‍ സിനദീന്‍ സിദാനെ ഈ ട്രാന്‍സ്ഫറിനു നിര്‍ബന്ധിതനാക്കുന്നത്.
റയല്‍ മഡ്രഡില്‍ ചേരാന്‍ ലെവന്‍ഡോസ്‌കിയും തയ്യാറാണെന്നാണ് ഇപ്പോഴുള്ള വാര്‍ത്തകള്‍.
എന്നാല്‍ നേരത്തെ റയലിലേക്ക് കൂറുമാറുന്നു എന്ന വാര്‍ത്തയോട് താരം രൂക്ഷമായി പ്രതികരിച്ചിരുന്നു.
