ഒരു പാന്‍ ഇന്ത്യന്‍ സൂപ്പര്‍ഹീറോ ചിത്രമായി ഒരുങ്ങുന്ന ‘ഹനുമാന്‍’ എന്ന സിനിമയുടെ പുതിയ പോസ്റ്റര്‍ പുറത്തുവന്നു. തേജ സജ്ജ നായകനാവുന്ന ചിത്രം പ്രശാന്ത് വര്‍മായാണ് സംവിധാനം ചെയ്യുന്നത്, അദ്ദേഹത്തിന്റെ ‘കല്‍ക്കി’, ‘സോംബി റെഡ്ഡി’ എന്നീ ചിത്രങ്ങള്‍ വളരെ ശ്രദ്ധ നേടിയിരുന്നു. ജനുവരി 12ന് പതിനൊന്ന് ഭാഷകളിലായിട്ടാണ് ഹനുമാന്‍ ചിത്രം പ്രദര്‍ശനത്തിനെത്തുക. ഛായാഗ്രാഹണം നിര്‍വഹിക്കുന്നത് ശിവേന്ദ്രയാണ്.
കെ നിരഞ്ജന്‍ റെഢിയാണ് നിര്‍മാണം. തേജയുടെ ഹനുമാന്‍ പ്രൈംഷോ എന്റര്‍ടെയ്ന്‍മെന്റിന്റെ ബാനറിലാണ് നിര്‍മിക്കുന്നത്. അസ്രിന്‍ റെഡ്ഡിയാണ് എക്‌സിക്യുട്ടീവ് പ്രൊഡ്യൂര്‍. വെങ്കട് കുമാര്‍ ആണ് ഹനുമാന്‍ ചിത്രത്തിന്റെ ലൈന്‍ പ്രൊഡ്യൂസര്‍. അമൃത നായരാണ് തേജയുടെ നായകയായി എത്തുന്നത്. വരലക്ഷ്മി ശരത്കുമാര്‍, വിനയ് റായ്, സത്യാ, രാജ് ദീപക് ഷെട്ടി തുടങ്ങിയവരും ചിത്രത്തില്‍ വേഷമിടുന്നു. ശ്രീ നാഗേന്ദ്ര ടംഗാലയാണ് തേജയുടെ ചിത്രത്തിന്റെ പ്രൊഡക്ന്‍ ഡിസൈന്‍.
തെലുങ്കിലെ യുവ നായകന്‍മാരില്‍ ശ്രദ്ധേയാകര്‍ഷിച്ച താരമാണ് തേജ സജ്ജ. തേജ സജ്ജ നായകനായി വേഷമിട്ടതില്‍ ഒടുവില്‍ പ്രദര്‍ശനത്തിന് എത്തിയത് ‘അത്ഭുത’മായിരുന്നു. അത്ഭുതത്തില്‍ ‘സൂര്യ’ എന്ന കഥാപാത്രമായിട്ടായിരുന്നു ചിത്രത്തില്‍ തേജ സജ്ജ വേഷമിട്ടത്. ഡിസ്‌നി പ്ലസ് ഹോട്സ്റ്റാറില്‍ പ്രദര്‍ശനത്തിനെത്തിയ ചിത്രം മികച്ച പ്രതികരണമായിരുന്നില്ല നേടിയത്. മാലിക് റാം ആയിരുന്നു ചിത്രം സംവിധാനം ചെയ്തത്. ലക്ഷ്മി ഭൂപയിയയും പ്രശാന്ത് വര്‍മയുമാണ് തിരക്കഥ എഴുതിയത്. ശിവാനി രാജശേഖര്‍ ആയിരുന്നു തേജയുടെ ചിത്രത്തില്‍ നായികയായി എത്തിയത്, സത്യരാജ്, ശിവാജി രാജ, ദേവി പ്രസാദ് എന്നിവരും പ്രധാന വേഷങ്ങളിലെത്തി.
#Hanuman – 12th January release in 11 Indian & international languages. pic.twitter.com/jEWEYSRUcu
— Aakashavaani (@TheAakashavaani) October 24, 2023
