റെഡ്മി നോട്ട് 10ടി 5ജി സ്മാര്‍ട്ട്‌ഫോണ്‍ ജൂലൈ 20ന് ഇന്ത്യയില്‍ അവതരിപ്പിക്കും. ഇന്ത്യയിലെ റെഡ്മി നോട്ട് 10ടി 5ജി സ്മാര്‍ട്ട്‌ഫോണിന്റെ വില ഇതുവരെ വെളിപ്പെടുത്തിയിട്ടില്ല. എന്തായാലും ഇതിന്റെ റഷ്യ വേരിയന്റിന് സമാനമായിരിക്കും വില എന്നാണ് പ്രതീക്ഷിക്കുന്നത്. 4 ജിബി റാം + 128 ജിബി സ്റ്റോറേജുള്ള മോഡലിന് റഷ്യന്‍ വിപണിയില്‍ 19,990 രൂപയാണ് വില വരുന്നത്. ഇത് ഇന്ത്യന്‍ കറന്‍സിയില്‍ 20,000 രൂപയോളമാണ്.
റെഡ്മി നോട്ട് 10ടി 5ജി സ്മാര്‍ട്ട്‌ഫോണില്‍ 6.5 ഇഞ്ച് ഫുള്‍-എച്ച്ഡി+ (1,080×2,400 പിക്സല്‍) ഡിസ്പ്ലേയാണ് ഉള്ളത്. 90 ഹെര്‍ട്‌സ് റിഫ്രഷ് റേറ്റുള്ള ഡിസ്‌പ്ലെയാണ് ഇത്. 6 ജിബി വരെ റാമുള്ള ഡിവൈസിന് കരുത്ത് നല്‍കുന്നത് ഒക്ടാകോര്‍ മീഡിയടെക് ഡൈമെന്‍സിറ്റി 700 എസ്ഒസി ആണ്. ആന്‍ഡ്രോയിഡ് 11 ബേസ്ഡ് എംഐയുഐയില്‍ ആയിരിക്കും ഈ ഡിവൈസ് പ്രവര്‍ത്തിക്കുന്നത്. 128 ജിബി വരെ ഓണ്‍ബോര്‍ഡ് സ്റ്റോറേജും ഈ ഡിവൈസില്‍ ഉണ്ട്.
ട്രിപ്പിള്‍ റിയര്‍ ക്യാമറ സെറ്റപ്പും ഈ സ്മാര്‍ട്ട്‌ഫോണില്‍ നല്‍കിയിട്ടുണ്ട്. അതില്‍ 48 മെഗാപിക്‌സല്‍ പ്രൈമറി സെന്‍സറും എഫ് / 1.79 ലെന്‍സുമായിരിക്കും ഇതില്‍ ഉണ്ടായിരിക്കുക. 2 മെഗാപിക്‌സല്‍ മാക്രോ ഷൂട്ടറും 2 മെഗാപിക്‌സല്‍ ഡെപ്ത് സെന്‍സറുമാണ് മറ്റ് രണ്ട് സെന്‍സറുകള്‍. സെല്‍ഫികള്‍ക്കും വീജിയോ കോളുകള്‍ക്കുമായി 8 മെഗാപിക്‌സല്‍ സെല്‍ഫി ക്യാമറ സെന്‍സറാണ് സ്മാര്‍ട്ട്‌ഫോണില്‍ ഉള്ളത്. ഈ സെന്‍സറിനൊപ്പം എഫ് / 2.0 ലെന്‍സും ഉണ്ടായിരിക്കും.
5ജി, 4ജി എല്‍ടിഇ, വൈ-ഫൈ, ബ്ലൂടൂത്ത് വി 5.1, എന്‍എഫ്സി, യുഎസ്ബി ടൈപ്പ്-സി, 3.5 എംഎം ഹെഡ്ഫോണ്‍ ജാക്ക് എന്നിവയാണ് റെഡ്മി നോട്ട് 10ടി സ്മാര്‍ട്ട്‌ഫോണിലുള്ള കണക്റ്റിവിറ്റി ഓപ്ഷനുകള്‍. സൈഡ് മൌണ്ട് ചെയ്ത ഫിംഗര്‍പ്രിന്റ് സെന്‍സറും ഈ ഡിവൈസില്‍ ഉണ്ട്. 18W ഫാസ്റ്റ് ചാര്‍ജിങ് സപ്പോര്‍ട്ടുള്ള 5,000 എംഎഎച്ച് ബാറ്ററിയാണ് സ്മാര്‍ട്ട്‌ഫോണിന്റെ മറ്റൊരു സവിശേഷത.
