ഓൺലൈൻ ടാക്സി സർവീസുകൾ നമ്മുടെ നിരത്തുകൾക്ക് സുപരിചിതമാണ്.
ഇനി ഊബർ ടാക്സി സർവീസ് പോലെ ഒാൺലൈൻ വഴി ബൈക്കും വാടകയ്ക്ക് എടുക്കാൻ സാധിക്കും.
ബംഗളൂരുവിലെ റോയൽ ബ്രദേഴ്സ് ബൈക്ക് റെന്റേഴ്‌സ്‌ കമ്പനിയാണ് തിരുവനന്തപുരവും കൊച്ചിയും അടക്കമുള്ള നഗരങ്ങളിൽ പ്രവർത്തനം ആരംഭിച്ചത്.
ആഡംബര ബൈക്കുകളടക്കം 10 മണിക്കൂർ മുതൽ 2 മാസം വരെ വാടകയ്ക്കെടുക്കാൻ സാധിക്കും.
റോയൽ ബ്രദേഴ്സ് എന്ന വെബ്സൈറ്റിൽ കയറിയാൽ നമുക്ക് ആവശ്യമുള്ള ബൈക്ക് തിരഞ്ഞെടുക്കാം.
അതിനോട് ചേർന്ന് രേഖപ്പെടുത്തിയിരിക്കുന്ന വാടക തിരിച്ചറിയൽ രേഖകൾക്കൊപ്പം ഓൺലൈനായി അടച്ചാൽ ബൈക്ക് റെഡി.
ബൈക്കുകൾക്ക് അനുസരിച്ചുള്ള വാടകയേക്കാൾ ആയിരം രൂപ കൂടുതലായി മുൻകൂർ അടക്കണം.
ബൈക്ക് തിരിച്ച് നൽകുമ്പോൾ മറ്റ് പ്രശ്നങ്ങളൊന്നുമില്ലങ്കിൽ ഈ അധികപണവും തിരിച്ച് നൽകും.
തിരുവനന്തപുരം, കൊച്ചി, ആലപ്പുഴ എന്നിവിടങ്ങളിലാണ് ഇവരുടെ സേവനം. ആദ്യ അംഗീകൃത ബൈക്ക് റെന്റിങ് കമ്പനിയാണ് റോയൽ ബ്രദേഴ്സ് ബൈക്ക് റെന്റേഴ്‌സ്‌.
