ആസിഫ് അലി, സണ്ണി വെയ്ന്‍, വിനായകന്‍, എന്നിവരെ പ്രധാന കഥാപാത്രങ്ങളാക്കി മൃദുല്‍ നായര്‍ കഥയെഴുതി സംവിധാനം ചെയുന്ന ചിത്രമാണ് ‘കാസര്‍ഗോള്‍ഡ്’.ചിത്രത്തിലെ പുതിയ ഗാനം അണിയറപ്രവര്‍ത്തകര്‍ പുറത്തുവിട്ടു.ഐ ആം എ ഗോള്‍ഡ് എന്ന ഗാനത്തിന് വരികള്‍ എഴുതിയിരിക്കുന്നത് വിനായക് ശശികുമാര്‍ ആണ്. നിരഞ്ജ് സുരേഷ് ആണ് സംഗീതം. നിരഞ്ജ് സുരേഷും അര്‍ജുന്‍ അശോകനും ചേര്‍ന്നാണ് ഗാനത്തിന്റെ ആലാപനം.മുഖരി എന്റര്‍ടെയ്ന്‍മെന്റ്‌സും യൂഡ്ലീ ഫിലിംസുമായി സഹകരിച്ച് സരിഗമ നിര്‍മിക്കുന്ന ചിത്രമാണ് കാസര്‍ഗോള്‍ഡ്.
ദീപക് പറമ്പോല്‍, മാളവിക ശ്രീനാഥ്, ശ്രീരഞ്ജിനി നായര്‍, സിദ്ദിഖ്, ധ്രുവന്‍, അഭിറാം രാധാകൃഷ്ണന്‍, പ്രശാന്ത് മുരളി, സമ്പത്ത് റാം, സാഗര്‍ സൂര്യ, ജെയിംസ് ഏലിയ തുടങ്ങിയവരാണ് മറ്റ് പ്രമുഖ താരങ്ങള്‍. സ്വര്‍ണ്ണക്കടത്ത് പശ്ചാത്തലമാക്കുന്ന ചിത്രമാണിത്. നിരവധി ട്വിസ്റ്റുകളുള്ള, ആക്ഷന്‍ രംഗങ്ങള്‍ക്ക് പ്രാധാന്യമുള്ള സ്‌റ്റൈലിഷ് ചിത്രം.
കോ പ്രൊഡ്യൂസര്‍ സഹില്‍ ശര്‍മ്മ. ജെബില്‍ ജേക്കബ് ഛായാഗ്രഹണം നിര്‍വ്വഹിക്കുന്നു. സജിമോന്‍ പ്രഭാകര്‍ തിരക്കഥ, സംഭാഷണം എഴുതുന്നു. വൈശാഖ് സുഗുണന്‍ എഴുതിയ വരികള്‍ക്ക് വിഷ്ണു വിജയ്, നിരഞ്ജ് സുരേഷ് എന്നിവര്‍ സംഗീതം പകരുന്നു. എഡിറ്റര്‍ മനോജ് കണ്ണോത്ത്, കല സജി ജോസഫ്, മേക്കപ്പ് ജിതേഷ് പൊയ്യ, വസ്ത്രാലങ്കാരം മഷര്‍ ഹംസ, സ്റ്റില്‍സ് റിഷാദ് മുഹമ്മദ്, പ്രൊമോ സ്റ്റില്‍സ് രജീഷ് രാമചന്ദ്രന്‍, പരസ്യകല എസ് കെ ഡി ഡിസൈന്‍ ഫാക്ടറി, സൗണ്ട് ഡിസൈന്‍ രംഗനാഥ് രവി, ബിജിഎം വിഷ്ണു വിജയ്, ചീഫ് അസോസിയേറ്റ് ഡയറക്ടര്‍ സുനില്‍ കാര്യാട്ടുക്കര, പ്രൊഡക്ഷന്‍ കണ്‍ട്രോളര്‍ വിനോഷ് കൈമള്‍, പ്രണവ് മോഹന്‍, ഡിസൈന്‍ യെല്ലോടൂത്സ്, പി ആര്‍ ഒ ശബരി.
