സിനിമ പ്രേമികള്‍ കാത്തിരിക്കുന്ന പ്രഭാസിന്റെ പുതിയ ബ്രഹ്മാണ്ഡ ചിത്രമായ ‘സലാറി’ന്റെ ടീസര്‍ പുറത്തിറങ്ങി. പുലര്‍ച്ചെ 5.12നാണ് ടീസര്‍ റിലീസ് ചെയ്തത്. പൃഥ്വിരാജിനെയും ടീസറില്‍ കാണാം. കെജിഎഫ്, കാന്താര എന്നീ സൂപ്പര്‍ ഹിറ്റ് ചിത്രങ്ങള്‍ക്കു ശേഷം ഹോംബാലെ ഫിലിംസിന്റെ ബാനറില്‍ വിജയ് കിരണ്ടൂര്‍ ആണ് ചിത്രം നിര്‍മിക്കുന്നത്. പ്രശാന്ത് നീല്‍ ആണ് ‘സലാര്‍’ സംവിധാനം ചെയ്യുന്നത്
ചിത്രത്തില്‍ പൃഥ്വിരാജ് വില്ലന്‍ വേഷത്തിലായിരിക്കും എത്തുക. വരദരാജ മന്നാര്‍ എന്ന കഥാപാത്രത്തെയാണ് സലാറില്‍ പൃഥ്വിരാജ് അവതരിപ്പിക്കുന്നത്. ശ്രുതി ഹാസന്‍ നായികയാകുന്നു. ജഗപതി ബാബു, ഈശ്വരി റാവു എന്നിവരാണ് മറ്റ് താരങ്ങള്‍. ഭുവന്‍ ഗൗഡ ഛായാഗ്രഹണവും രവി ബസ്രുര്‍ സംഗീത സംവിധാനവും നിര്‍വഹിക്കും.
ഹോംബാലെ ഫിലിംസിന്റെ കെജിഎഫ് 2, കാന്താര, ധൂമം എന്നീ ചിത്രങ്ങള്‍ കേരളത്തില്‍ പ്രദര്‍ശനത്തിനെത്തിച്ച മാജിക് ഫ്രെയിംസും പൃഥ്വിരാജ് പ്രൊഡക്ഷനും ചേര്‍ന്നാണ് സലാര്‍ കേരളത്തിലെ തിയേറ്ററുകളില്‍ എത്തിക്കുന്നത്. ഡിജിറ്റല്‍ പിആര്‍ഓ ഒബ്‌സ്‌ക്യൂറ എന്റര്‍ടെയ്ന്‍മെന്റ്, പിആര്‍ഒ മഞ്ജു ഗോപിനാഥ്, മാര്‍ക്കറ്റിങ് ബിനു ബ്രിങ്‌ഫോര്‍ത്ത്. സെപ്റ്റംബര്‍ 28 ന് ചിത്രം ലോകമെമ്പാടും റിലീസിനെത്തും.
