കെജിഎഫ് ഹിറ്റാക്കിയ സംവിധായകന്‍ പ്രശാന്ത് നീല്‍ സംവിധാനം ചെയ്ത് പ്രഭാസ് നായകനാവുന്ന സലാറിനായ് കാത്തിരിക്കുകയാണ് സിനിമാ പ്രേമികള്‍. ചിത്രത്തിന്റെ പുത്തന്‍ അപ്‌ഡേറ്റആണ് ഇപ്പോള്‍ പുറത്ത് വന്നിരിക്കുന്നത്. ഡിസംബര്‍ ഒന്നിന് പ്രഭാസിന്റെ സലാറിന്റെ ട്രെയിലര്‍ പുറത്തുവിടും എന്നതാണ് പുതിയ അപ്‌ഡേറ്റ്.
ഡിസംബര്‍ 22നാണ് സലാറിന്റെ റിലീസ്. ചിത്രത്തിന്റെ ഒടിടി റൈറ്റ്‌സ് നെറ്റ്ഫ്‌ലിക്‌സാണ് നേടിയിരിക്കുന്നത്. 160 കോടി രൂപയാണ് ഒടിടി റൈറ്റ്‌സ് ലഭിച്ചത് എന്നാണ് പുതിയ റിപ്പോര്‍ട്ട്. പ്രഭാസ് ചിത്രത്തിന്റെ ഒടിടി റൈറ്റ്‌സിന് ലഭിച്ചതില്‍ വെച്ച് ഉയര്‍ന്ന തുകയാണ് സലാറിന്റേത്. പൃഥ്വിരാജിന്റെ പ്രൊഡക്ഷന്‍സാണ് സലാര്‍ കേരളത്തില്‍ വിതരണം ചെയുന്ന്ത്. കേരളത്തില്‍ പ്രഭാസിന്റെ സലാറിന്റെ ഫാന്‍സ് ഷോ സംഘടിപ്പിക്കുന്നത് ഓള്‍ കേരള പൃഥ്വിരാജ് ഫാന്‍സ് ആന്‍ഡ് വെല്‍ഫെയര്‍ അസോസിയേഷനാണ് എന്നതിനാല്‍ ആരവമാകുമെന്നും ഉറപ്പ്.
അസോസിയേഷന്റെ കോട്ടയം ജില്ലാ കമ്മിറ്റി ഷോ തീരുമാനിച്ചും കഴിഞ്ഞു എന്നും റിപ്പോര്‍ട്ടുകളുണ്ടായിട്ടുണ്ട്. പൃഥ്വിരാജിന്റെ സലാര്‍ കോട്ടയത്ത് അഭിലാഷ് തിയറ്ററില്‍ പ്രദര്‍ശിപ്പിക്കുമെന്ന് പ്രഖ്യാപിച്ചിട്ടുണ്ട് എന്ന് മാത്രമല്ല ടിക്കറ്റ് ബുക്കിംഗ് തുടങ്ങിയിട്ടുമുണ്ട് എന്നാണ് സാമൂഹ്യ മാധ്യമങ്ങളിലെ പോസ്റ്റില്‍ നിന്ന് മനസിലാകുന്നത്. ഛായാഗ്രാഹണം നിര്‍വഹിക്കുന്നത് ഭുവന്‍ ഗൗഡയാണ്. സംഗീതം രവി ബസ്രുറും.
