പെഷാവര്‍: പ്രമുഖ പഷ്ത്വ നാടക നടിയെ പാക്കിസ്ഥാനില്‍ കൊലപ്പെടുത്തി. നാടക നടിയും ഗായികയുമായ സുംബുള്‍ ഖാനെയാണ് അക്രമികള്‍ വെടിവെച്ച് കൊലപ്പെടുത്തിയത്. ഖൈമര്‍ പഷ്തൂണ്‍ക്വ പ്രവിശ്യയിലാണ് സംഭവം. സ്വകാര്യ ചടങ്ങില്‍ പരിപാടി അവതരിപ്പിക്കണമെന്ന ആവശ്യം നിരസിച്ചതാണ് അക്രമികളെ പ്രകോപിപ്പിച്ചത്.
വെടിയേറ്റ സുംബുള്‍ ഖാനെ ഉടന്‍തന്നെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. സുംബുള്‍ ഖാന്റെ മുത്തച്ഛന്റെ പരാതിയില്‍ പൊലീസ് കേസെടുത്തു. അക്രമികളില്‍ ഒരാള്‍ പഷ്ത്വ ഗായിക ഗസാല ജാവേദിന്റെ മുന്‍ ഭര്‍ത്താവാണെന്നാണ് കണ്ടെത്തല്‍. മറ്റൊരാള്‍ മുന്‍ പൊലീസ് ഉദ്യോഗസ്ഥനാണെന്നാണ് വിവരം.
